Саудын Арабт болсон сайхан тэмээ шалгаруулах тэмцээнээс 40 тэмээг ботокс болон гоо сайхны ажилбар хийлгэсэн хэмээн хасжээ. Абдул Азиз хааны тэмээний наадмын гол арга хэмжээний нэг болох гоо сайхны энэ тэмцээний шагналын сан нь 66 сая доллар байдаг.
Урт унжсан уруултай, том хамартай, сайхан хэлбэртэй бөхтэйг нь хамгийн сайхан тэмээгээр шалгаруулдаг. Ямар нэг булхай гаргахгүйн тулд ихэнх оролцогчдыг тусгай хяналтаар оруулдаг. Мэргэжилтнүүд оролцогчдыг сайтар шалгаж, рентген гэрэл болон хэт авиан шинжилгээгээр хүзүү, цээж, толгойг нь хардаг ажээ. Эзэд нь тэмээнийхээ биеийн зарим хэсгүүдийг татуулж янзлуулсан хэмээн 27 “оролцогчийг” шалгалтын явцад тэмцээнээс хасжээ. Мөн 16-д нь ботокс, коллаген тариулсныг илрүүлсэн байна. Өмнө нь тэмцээнийг луйвардах иймэрхүү зүйлс мэр сэр илэрдэг байсан ч энэ жилийн тухайд хамгийн их зөрчил гарчээ. 
Discussion about this post