Энэ кинонд тоглохын тулд Леди Гага бүтэн жилийн турш Итали аялгаар ярьж сурах бэлтгэл хийжээ

Энэ жилийн Оскарын шагналд Lady Gaga-ын тоглосон “Maison de Gucci”  кино хүчтэй өрсөлдөгч байж, олон төрөлд нэр дэвших шинжтэй. 2 цаг 45 минут үргэлжлэх энэ кинонд хайр дурлал, атаа хорсол, аллага секс, нийгмийн доод түвшнээс дэлхийд загварын ертөнцийн нүүр царай болж гайхуулж явсан эмэгтэйн тухай гарна.  Ханилж явсан нөхөр Gucci-гээ хүн хөлслөн алуулснаар 29 жилийн хорих ялаар шийтгүүлсэн Patrizia Reggiani-ны бодит амьдралаар бичсэн номноос сэдэвлэн энэ киног бүтээжээ. Энэ кинонд тоглохын тулд Леди Гага бүтэн жилийн турш Итали аялгаар ярьж сурах бэлтгэл хийжээ. Мөн Холливудын жүжигчин сайхан залуу Jared Leto 10 кило жин нэмж, танигдахын аргагүй халзан бүдүүн өвгөн болсон нь энэ киноны нэг чимэг шигтгээ…

Төрсөн эцгээ мэдэхгүй ч үйлдвэрийн эзэн хойд эцгээрээ овоглосон хөгжилтэй, сэргэлэн, сайхан бүсгүй. Найзуудтайгаа нэгэн дискон дээр Италийн загварын магнагт Rodolfo Gucci-ын хүү Maurizio Gucci-тэй танилцсанаар амьдрал нь өөрчлөгдөнө. Эцэг нь энэ гэрлэлтийг эсэргүүцсэн ч гэрлэж хүүхэдтэй болсноор аргагүй эрхэнд Gucci-ийн өрхийн бүрэн эрхэт гишүүн болно. Гэрлэсэн 12 жилийн хугацаанд Патрисиа Гучигийн гэр бүлийн 2 том салбарыг дампууруулж, зугуухан дотроос нь эвдэж нураасаар бүх эрхийг гартаа авч эхэлсэн бэр. Сүүлд нөхөр нь түүнээс салж, компаниа 170 сая доллараар зарсаныг сонссон Патрисиа хоёр алуурчин хөлслөн, экс нөхрөө өглөө ажилдаа ирэх үед нь компанийнх нь үүдэнд буудаж алуулна. Хуучин нөхөр нь алагдсанаас хойш хоёр жилийн дараа 1995 онд түүнийг баривчлан шүүж, шүүх 29 жилийн хорих ял оноодог. Патрисиа 18 жил хоригдоод,  2016 онд шоронгоос суллагдахад 1993 оны гэрээний дагуу Gucci нэрийг эзэмшигчийн гэр бүлд хувь хүртээх заалтын дагуу 600 мянган ливр олгосон байна. Харин Патрисиа дахин зарга үүсгэн шүүхэдсээр шоронд хоригдсон үеийнхээ нөхөн олговор болох 16 сая ливрийг заргалдан авч чаджээ. Одоо 73 настай энх тунх, баян тансаг амьдарч байна.

Патрисиа, Маурисио хоёрын дундаас төрсөн 2 охин ч гэсэн Gucci нэрийг эзэмшигч компаниас тогтмол хувь хүртэн, хангалуун сайхан амьдардаг түүхтэй.