Саяхан Афганистаны албан ёсн төр засгийг гудамжинд 20 жил байж хагас “зэрлэгшсэн” талибанчууд түлхэн унагагаа. Ерөнхийлөгч нь 4 машин мөнгөө авч, шившигтэйгээ хөрш орон руугаа зугтлаа. Афганистанд юу болов, яагаад төрт улсын сүр жавхаа болсон цэрэг арми босогчдод ялагдав гэсэн асуултад “авлигаас болж уналаа” гэхэл болмоор дүн гарчээ. Учир нь Афганистаны бүх шатны түшмэд, армийн, цэргийн эрхтнүүд авлигалд автан идэгджээ. Төрийн өндөр дээд албан тушаалтнууд, цэргийн эрхтнүүд Америк ба НАТО-гийн цэрэг санхүүгийн тусламжинд бүр бялууртлаа цадаж, асгаж цутгаж, өөртөө шингээж байсан нь ил болж байна. ЗӨВХӨН АНУ Афганистаны армид 84 тэрбум доллар цацжээ.
Хамгийн гутамшигтай нь БХЯ нь цэргийнхээ тоог нэмж, санхүүжилт авч хувааж цохин, тайлан тооцоо, балансаа худал гаргаж өгөх явдал газар авчээ. Энэ бүр бүх шатны цэрэг, хүчний байгууллагууд нь нүүрлэж, амташсан байжээ. АНУ-ын Афганийн арми цагдаа, тусгай хүчнийхэн нийт 300 000 хүнийг сургаж хувцаслаж, өвч бүрэн зэвсэглэсэн гэдэг. Үнэн хэрэгтээ Афганистаны цэрэг арми, цагдаа хууль хүчний хүн хүч 60000 хүрэхтэй үгүйтэй байжээ. Нөгөө Гоголийн “амьгүй албат” гэдэг шиг. Цаасан дээр олон цэрэг “жагсааж”, 240 шахам хүний цэрэг зэвсэг, хувцас хоол хүнсний зардлыг сул аван, дундаас нь мөнгө цохиж байсан гэнэ. Энэ явдал бүр 20 жил үргэлжилжээ. Америкчууд Афганд гар таталгүй, хамгийн орчин үеийн зэвсэг техник, тэрбум тэрбум долларцацсаны эцэст энэ! Тэд Афганистаны арми, агаарын цэргийн орчин үеийн технологийн гайхамшигт супер бүтээгдэхүүн өнөөдөр Талибанчуудын гарт оржээ. Цэрэг стратеги, эдийн засгийн томоохон зүтгэлтэнгүй, Төв банкны 9 тэрбум ам.доллар нь Америкт “царцаасан” Талбины шинэ засаг энэ зэвсгээ яваандаа Орос, Хятадууд худалдаж авч, амиа тэжээн дүр зураг гачр байгаа бололтой. 
Discussion about this post