МАН-ынхан “концессчин”, ЖДҮЧИН, “60 тэрбум”-ын бүлэг, “ЖДҮЧИН” гэж хуваагдан тэмцсээр үндсэндээ “ЖДҮ”-чдийн ялалтаар өндөрлөсөн. “Концессчин 60 тэрбумын” бүлгийн М.Энхболд огцорч, Ж.Эрдэнэбат, Н.Номтойбаяр нар шоронд “хатаагдаж” үзлээ. МАН хоёр ч парламент дараалан үнэмлэхүй олонхи болж, төрийн толгой, дунд доод шатанд МАН-ын бол улаан халзан хурга ч ажилд орж байна.
МАН-ынхан 2020 оны УИХ-ын сонгуулиар “ЖДҮ”-чдээ жигшиж, УИХ-д нэр дэвшүүлээгүй дүр үзүүлсэн. Одоо тэд “ЖДҮ”-чдээ юун шийтгэх албан тушаалд томилж байна. УИХ-ын гишүүн асан, чихрийн наймаачин “ЖДҮЧИН” О.Батнасанг “Монголын төмөр зам” ТӨХК-ийн Гүйцэтгэх захирлаар томиллоо.
Эрдэнэс Монгол ХХК-ийн САЛБАРЫН ҮЙЛ АЖИЛЛАГАА ХАРИУЦСАН ДЭД ЗАХИРАЛ нь экс гишүүн Л.ЭНХБОЛД. Түүнийг ЖДҮ-чин хэмээн чичилж, 2020 оны сонгуульд нэр дэвшүүлэлгүй авч үлдэж, шүүх цагдаагийн үүд сахиулсан. Удалгүй албан тушаад тавьж ЖДҮХС-гаас зээл авсан гишүүдийн асуудал намжлаа. Мөн Эрдэнэс Монгол ХХК-ийн ГҮЙЦЭТГЭХ ЗАХИРАЛ нь 60 тэрбумын бүлгийн гэх экс гишүүн, Сангийн сайд асан Д.ХАЯНХЯРВАА ажиллаж байгаа. Ийнхүү МАН-ынхан аман дээрээ авлигатай тэмцэнэ хэмээн АТГ-ын ажил төрлийг булаацалдавч, ачир дээрээ 60 тэрбум, ЖДҮ-гүй төрийн аль ашигтай газар дэвшиж ажиллаж, амар сайхандаа жаргаж байна.
Discussion about this post