…Гишгэж яваа цэцэгт ногоон газар минь
Гэрэлт нарны цэлмэг номин тэнгэр минь…
…Ай даа хүмүүс минь амьдрах сайхан…
Ээжийн бор аяга…
Настан буурал эмээ…
Зуу наслаарай ээж ээ…
Халагдах цэргийн вальс…
Заллага…
Үгүйлж явья нэгийгээ
Хүлээгээрэй…
Сэлэнгийн буудай…
Баярлана даа… гээд л түүний бүхий л дуунууд Монголын ард түмэн бидний сэтгэл зүрхэнд уяатай билээ.
МУГЖ, Дуучин, Хурандаа, Хөгжмийн зохиолч Нанзадын ЧУЛУУНХҮҮ ахыгаа бид өнөөдөр сүүлчийн замд нь үдлээ 
Түүний зөвхөн зохиосон дуунууд нь л 600 гаруй, дуулсантайгаа нийлээд 1000 дууны суварга бүтээгээд та минь тэнгэртээ од болон мөнхөрлөө.
Тэнгэр хүртэл бүрхэг байснаа хөшгөө нээх мэт түрхэн онгойж таныг үдэх тэрхэн хоромд том том дуслах бороон дуслууд унаж өөрийн эрхгүй ихийг бодогдуулж нулимс асгаруулан таныгаа үдлээ
Урлагийн ертөнцөд бидэндээ том үлгэр дууриалал болсон эрхэм ах минь байлаа.
Урлагийн тайзаа үеийн үед эзэгнэсээр, цаг үе бүхэнд үргэлжид шинэ шинэхэн уран бүтээлүүдээрээ түмэн олноо баясгасаар, зохиосон олон олон дууг нь үе үеийн олон дуучид минь дуулсаар өнөөдрийг хүрч урлагийн бүхий л тоглолтуудад та минь үргэлж хамт байж тайзны ард таарах бүрийдээ “Сахилга хариуцлага сайн бээз” гээд л инээмсэглээд бүгдтэй ижилхэн мэндэлнэ, хэнийг ч ялгалгүй нийтэч сайхан харьцана, залуус дүү нараа таарах бүрийдээ урмаар тэтгэж, үргэлж л магтаж урамшуулж байдаг, амны сайхан билэгтэй хүндэт ах минь байлаа.
Цогтой золбоотой хийморьтой, дундрашгүй их авьяастай, цуцашгүй агуу хөдөлмөрч, өвөрмөц нандин сод хүмүүн таны минь босгосон дуун суварга, хүнлэг сайхан зан чанар Монголын ард түмэн бидний сэтгэл зүрхэнд үүрд орших болно оо
Та минь амгалан нойрс доо…
Ум мани бадми хум 
Discussion about this post