Францын Их эзэн хаан (l’Empereur) Наполеон Бонопартын тэнгэрт хальсаны 200 жилийн ойд зориулж Парисын алдарт гоёл чимэглэлийн үйлдвэрлэл худалдааны Place des Vendome төв талбайн Chaumet-ын байранд үзэсгэлэн нээжээ. Уг үзэсгэлэнд Жозепине Бонопарт-ын эдэлж хэрэглэж явсан эд зүйлс, гоёл чимэглэл үнэт эдлэлийг дэлгэн үзүүлжээ. Нэг үе дэлхийг донсолгож явсан франц жанжны гэргийн эд хэрэглэж явсан зүйлс гайхалтай. Үнэхээр нүд бяасгасан гоё үзэсгэлэн болжээ.
Түүхэнд алдартай Наполеон+Жозепине хоёрын хайр сэтгэлийн романтик захидлууд, Наполеоны халуун хайрын бэлэг тэмдэг болгон бэлэглэж байсан үнэт эдлэл байна. Зөвхөн гоёл чимэглэлийн тухайд 150 гаруй оргинал титэм, үсний хавчаар, үнэт чулууг шигтгэн урласан эмээг бөгж, хүзүүний зүүлтүүд байна. Мөн тэдний хагацашгүй халуун хайраа билэгдэж өөсдийнхөө дүрийг хосоор нь урлан сийлж шигтгэн хийсэн титэм, зүүлт ээмэг бөгжнүүдийг нь хамгаалалттай шилэн хоргонуудад байрлуулан, хэдийд ямар үед зүүж байсан түүх намтартай нь бичэн хаджээ.
Энэ үзэсгэлэнг зохион байгуулсан газар нь Парисын люкс Vendome талбайд орших Chaumet гоё чимэглэл, үнэт эдлэлийн дэлгүүр үйлдвэр. Энд 1780 онд анх Францын сүүлчийн хатан хаан Марие Антонетын гоёл чимэглэлийг урлаж эхэлж байсан Chaumet нь 240 жилийнхээ ойн жилд зориулан Жозепине Бонопарт-д зориулан урлаж байсан үнэт эдлэдлүүдээр үзэсгэлэн нээсэн аж. Chaumet нь дэлхийн 80 гаруй оронд өөрийн биеэ даасан бутиктэй. Үйлдвэрлэл нь Лондон, Мадрид, Москва, Турк, Лос-Анжелос, Берлин зэрэг том хотуудад байрладаг байна. 
Discussion about this post