ХАН-УУЛ ДҮҮРГИЙН ДЭРГЭДЭХ БАЙГУУЛЛАГУУДЫН УДИРДАХ АЖИЛТНЫ ШУУРХАЙ ЗӨВЛӨГӨӨН 2026 ОНЫ 06 ДУГААР САРЫН 22-НЫ ӨДӨР ЗОХИОН БАЙГУУЛАГДЛАА.
Хан-Уул дүүргийн шуурхай зөвлөгөөн өнөөдөр болж, дүүргийн Засаг дарга Б.Цэрэн удирдан явуулав.
Шуурхай зөвлөгөөнөөр Засаг даргын дэргэдэх байгууллагын 14 хоногийн нөхцөл байдлын мэдээ, өргөдөл гомдол, албан бичгийн шийдвэрлэлт, үүрэг даалгаврын хэрэгжилтийг танилцууллаа. Удирдах ажилтнуудын шуурхай зөвлөгөөнөөр
– Төрийн болон орон нутгийн өмчийн эд хөрөнгийн 2026 оны улсын үзлэг, тооллогыг тогтоосон хугацаанд зохион байгуулах.
– Автозамын эвдрэл, гэмтэлтэй хайс, хашлагыг засварлах, замын тэмдэг, тэмдэглэгээг холбогдох стандарт, шаардлагын дагуу будах, явган хүний замыг засварлан нөхөн сэргээх зэрэг ажлыг эрчимжүүлэх.
– Тоос, тоосонцроос урьдчилан сэргийлэх зорилгоор нийтийн эзэмшлийн гудамж, автозам, явган хүний зам, талбайг усалж, чийгшүүлэх болон улиасны унгирал буюу модны цагаан хөвөнгийн тархалтыг бууруулах зорилгоор усаар шүрших зэрэг ажлыг зохион байгуулах.
– Төрөөс хуулийн этгээдэд үзүүлж байгаа үйлчилгээг “Төрийн үйлчилгээний нэгдсэн систем (e-business.mn)”-ээр дамжуулах, цахим хэлбэрээр үзүүлэх арга хэмжээний тухай Засгийн газрын 2026 оны 233 дугаар тогтоолын хэрэгжилтийг хангуулах.
– Төрийн болон орон нутгийн өмчит байгууллагууд хийсэн ажлын үр дүнг иргэд, олон нийтэд ил тод, нээлттэй мэдээлэх, сурталчлах зэрэг үүрэг даалгавар, чиглэл өглөө.
Discussion about this post