Эрдэнэс алт ресурс ХХК-ийн М.Золбаатар ахлагчтай 1 дүгээр ээлжийн хамт олон 2024 оны 02 дугаар сарын 12-ны өдрийн цасан шуурганаар Говь-Угтаал сумаас Дундговь аймаг руу явж байсан Estima машинтай 9 иргэнийг Салхит уурхайн бүсээс 5 км зайд цасанд сууж хоригдсон байсныг хариуцлагатай жижүүрээр ажиллаж байсан баг бүрэлдэхүүн цаснаас гаргаж ажилчдын кемпд байрлуулж, хоол ундаар хангаж амь насыг аварсан байна.
Нийт 2 том хүн, 7 (0-14 насны) хүүхэд тус машинд явж байжээ. (хамгийн бага нь 1 сартай өлгийтэй хүүхэд байсан). Мөн 2024 оны 02 дугаар сарын 17-ны өдрийн цасан шуурганаар Гурвансайхан сумын онцгой комисс тусламж хүссэний дагуу эрэн хайх ажиллагаанд уурхайн шуурхай ажлын бүрэлдэхүүн 3 машин, 7 хүний бүрэлдэхүүнтэй ажиллаж өдрийн 12 цагт малаа дагаад шуурганд уруудсан 23 настай иргэнийг 21:44 минутанд олж Салхит уурхайн эмч анхан шатны тусламж үзүүлж амь насыг аварчээ. Ингээд Эрдэнэс алт ресурс ХХК-ийнхан нийт 10 хүний амь насыг аварч ажилласан байна.
()
Discussion about this post