Тэрбумтан, АНУ-ын 45 дахь ерөнхийлөгч Дональд Трамп, загвар өмсөгч Мелания Кнавс нарын хурим 2000-аад оны эхэн үеийн хамгийн нижгэр, тансаг, сүрлэг хуримын нэг болж түүхэнд үлджээ. Дональд, Меланиа хоёрын сүй тавьсан нь 2004 оны сүүлээр мэдэгдэж, хуримаа 2005 оны нэгдүгээр сард хийсэн юм. Сүй тавихдаа сүйт бүсгүй “Алмазын хаан” Граффийн үнэт эдлэлийн газраас 10 каратын тэгш өнцөгт маргад эрдэнийн алмаз авчээ. Брэнд бөгжний үнийг зарлаагүй бөгөөд ойролцоогоор 1.5 сая ам.доллараар үнэлэгдсэн гэдэг.
Хүүхнүүдэд хөл алддаг бизнесмэн хайртдаа сая долларын үнэ бүхий бөгж бэлэглэж, “Dior”-ын шилдэг оёдолчид 27 кг жинтэй даашинзыг урлахад 550 цаг зарцуулсан гэдэг. Энэхүү хуримын даашинзыг Меания 100 мянган доллар гэдэг ч хүмүүс 200 мянган доллар гэж ярьж бичдэг. Даашинзаа “Dior” загварын ордонд захиалгаар хийлгэж, байна. Гоёл чимэглэл зүүх зай үлдээх гэж сүйт бүсгүйн мөр, нуруу, хүзүүг бүрэн нээлттэй орхижээ. Меланиа олон давхар алмаазан зүүлт зүүсэн нь үүнийг сонголт муутай, стиль мэдрэмжгүй гэж сэтгүүлүүд бичиж байв. Флорида мужийн Палм Бич дэх Бетезда тэнгисийн епископын сүмд болсон хуримын үеэр сүйт залуугийн сүйт бүсгүйн хуруунд зүүсэн цагаан алтан бөгж нь 13 каратын алмаазан шигтгээтэй байсан бөгөөд 400.000 ам.долларын үнэтэй байжээ. Хуримын бялуу нь 50 мянган ам.долларын үнэтэй цөцгий сарнайгаар бүрсэн метр хагасын өндөр.
Хуримын зочдыг Элтон Жон, Билли Жоэл нарын тухайн үеийн хамгийн өндөр үнэтэй одод дуулан зугаацуулжээ. Хуримын дараа шинээр гэрлэсэн хосууд Трампын Мар-а-Лаго эдлэнд болсон хуримын хүлээн авалтад очжээ. Хүлээн авалтын үеэр Меланиа даашинзаа солин “Vera Wang” брэндийн хөнгөн даашинз өмсжээ. Үдэшлэгт загвар өмсөгч Хайди Клум, Ерөнхийлөгч асан Билл Клинтон, эхнэр Хилари, сагсан бөмбөгийн домогт тамирчин Шакил О’Нил, Нью-Йорк хотын дарга Рудольф Жулиани болон “Vogue” сэтгүүлийн ерөнхий редактор Анна Винтур нар иржээ.
Хуримнаас жил гаруйн дараа Меланиа хүү Бэрронаа төрүүлжээ. 2015 онд Трамп эхнэртээ хуримынхаа 10 жилийн ойд зориулан өөр нэг аварга Графф солитер худалдаж авсан бөгөөд энэ удаад 25 каратын жинтэй, гурван сая ам.долларын үнэтэй байв.
Хоёр ч удаа гэрлэсэн, “Miss Universe” тэмцээний эзэмшдэгч, сайхан хүүхнүүдээр хүрээлүүлсэн тэрбумтан Дональд Трамп буулгаэ авсан бүсгүйг танилцуулъя. Словен гаралтай загвар өмсөгч Мелания Кнавс 1970 онд Югослав улсад төрсөн. Охины эцэг эх нь жолооч, нэхмэлийн үйлдвэрийн ажилчин. Гэвч тэд ядуу амьдарч байсангүй. Тухайн үед Меланиа Дональдтай Нью-Йоркийн нэгэн шөнийн цэнгээний газарт анх танилцах үеэр тэрбумтан 50 гаруй настай, загвар өмсөгч бүсгүй 28 настай байжээ. Меланиа нэгдүгээр курсдээ их сургуулиа хаясан. Ггэхдээ Меланияг боловсролгүй гэж хэлж болохгүй. Тэрбээр таван гадаад хэл сурсан, чөлөөтэй ярьдаг.
Discussion about this post