Гэр бүлийнхээ 10 хүний хамт тусгаарлагдсан дуучин Д.Дэмбэрэлнямбуугийн шинжилгээний хариу сөрөг гарчээ

Дуучин Д.Дэмбэрэлнямбуу “UB palace”-ын концертын их танхимд 11-р сарын 8-ны өдөр тоглолтоо хийсэн. Харамсалтай нь тэр тоглолтыг үзсэн хүнээс коронавирусын халдвар илэрч, дуучин Д.Дэмбэрэлнямбуу гэр бүлийнхээ 10 хүний хамт тусгаарлагджээ.  Учир нь түүнтэй хамт зургаа авахуулсан ачаа тээврийн жолооч болох Д-гээс короновирусийн халдвар илэрсэн юм. Дуучин Д.Дэмбэрэлнямбуу нь уугуул нутаг болох Увс аймагт “Хархан нүдэн” тоглолтоо хийхээр төлөвлөөд байсан ч хараахан явж амжаагүй байжээ.  Юутай ч дуучин Д.Дэмбэрэлнямбуугийн шинжилгээний хариу “сөрөг” гарсан байна. Тэрээр өөрийн фэйсбүүктээ “Шинжилгээний хариу сөрөг гарсан байна. Тоглолтыг маань үзсэн хүн бүр эрүүл энх байх болтугай. Монгол түмнийг минь мөнх хөх тэнгэр ивээг ” гэжээ.