Монголд коронавируст халдварын анхны тохиолдол гэж бүртгэгдэн, тухайн цаг үедээ дуулианы эзэн болж байсан “Иргэн Д” анх удаа парламент телевизэд ярилцлага өгчээ. Түүнийг Долгион гэдэг аж.
Тэрээр “Би ээж, эхнэр, 2 хүүхэдтэйгээ эмнэлэгт хэвтсэн. Бидний хэн нь ч 36.8 хэмээс дээш халуунтай байгаагүй. Ямар ч шинж тэмдэг илрээгүй. Гол нь бидний хэнд нь ч шинжилгээний хариуг үзүүлээгүй. Ер нь тухайн үед хүнд байсан л даа, иргэн Д гэдэг нэртэй болчихсон. Миний явсан гэх маршрут худлаа байсан. Би УОК- оос эхлээд тагнуул руу хүртэл ярьсан. Өөрөө гарч чадахгүй болохоор утсаар л хэрүүл хийдэг. Уучлаарай, таны маршрут буруу гарчээ л гэж байсан. Нийгмийн сүлжээгээр “Өвчин тараахаас нь өмнө наадуулаа шууд шатаачих” гэсэн яриа хүртэл гарч байсан, хүнд л юм билээ. Эхнэртэйгээ хамт явж байсан бас асуудлыг ярилцаад шийдчихдэг учир бидний дунд ноцтой асуудал үүсээгүй. Сошиал гэдэг бол хүнийг алж ч мэдэх юм билээ” хэмээн ярьжээ.
Discussion about this post