Хүн төрөлхтөн нийтээрээ төсөөлөө ч үгүй Ковид 19 тахалтай нүүр тулж, хоёр жил өнгөрлөө. Одоо цар тахлын үеийн нийлүүлэлтийн “шок” эрчимжиж, дэлхийн хаа сайгүй худалдааны боомтуудад саатал гарч, байдал хүндэрч байна. Энэ нь жижиглэн худалдааны үнэ, борлуулалт, түгээлтэд нөлөөлж, бараа, бүтээгдэхүүний үнэ нэмэгдэх, компаниудын ашиг буурах зэрэг эрсдэл дагуулж байна.
Азийн худалдааны төв Хонгконг, Шэньжэнийн боомтод энэ асуудал тулгарчээ. Энд хамгийн багадаа чингэлэг тээвэрлэгч 107 усан онгоц гацчихаад байгаа. Нэмээд өнгөрсөн долоо хоногт Хонгконгт хүчтэй шуурга болсны улмаас Хөрөнгийн биржүүд нь хаагдаж, боомтуудад саатал үүссэн нь нөхцөл байдлыг улам дордуулжээ. Дэлхийн хэмжээнд байдаг боомтуудын 77 хувьд нь үйл ажиллагаагаа явуулахад ердийнхөөс илүү урт хугацаа шаардаж байгааг “RBC Capital Markets” мэдээллээ. Энэ зовлон ч Монгол Улсыг тойрсонгүй, дайрч, “байгалийн давагдашгүй хүчин зүйл” гэдэг болж байна. Энд мянган сайн Ерөнхий сайд байгаад ч шууд шийдвэрлэхэд хэцүү бололтой.
Discussion about this post