Соуиализмын үед жилдээ цөөн кино бүтээдэг, тоглосон жүжигчид нь дүрээ сэтгэлд хоногшдог бүтээдэг байж. Кино дэлгэцнээ мөнхөрсөн сайхан бүсгүйчүүдийн нэг Өмнөговийн бүсгүй Б.Гэрэлмаа. Тэрбээр “Ирж яваа цаг” кинонд “Энэ хэдэн хонийг Шадав нь авна уу, Готов нь авна уу. Би л аавыгаа асрах минь” хэмээн хонио туун гүйх малчин бүсгүйн дүрийг бүтээсэн. Мөн “Нандин эрдэнэ” киноны уран нугараач Дулмаагийн дүү Оюуны дүрээр үзэгчид андахгүй.
Б.Гэрэлмаа хэдийгээр жүжигчин мэргэжлээр суралцаж, төгсөөгүй ч хэд хэдэн кинонд гол болон туслах дүр бүтээсэн. Анх 1986 онд Ж.Бунтар найруулагчийн “Ирж яваа цаг” киноны Маралмаагийн дүрд тоглож, дараа нь “Нандин эрдэнэ”, “Би нисэх дуртай”, “Мандухай сэцэн хатан” киноны Саахайн дүр, “Амин мөр” киноны Насан, “Хүсэл хясал” кинонд Хажидын дүрд чадварлаг тоглосон уран бүтээлч.
Монгол дүр төрхтэй гэгддэг сайхан бүсгүй 1969 онд Өмнөговь аймагт төржээ. Тэрбээр нутагтаа өөрөөсөө 10 гаруй насаар ахмад галч, манаач эртэй амьдралаа холбосон гэдэг. Хожим буюу 2002 онд “Мюзик Холл” сургуулийг найруулагч мэргэжлээр төгссөн байна. Найруулагч мэргэжлээр Монголын Үндэсний радио телевизэд найруулагчаар ажиллаж байжээ. Одоо Франц улсад ажиллаж амьдардаг.
Discussion about this post