Охиноо бодоод архиа бага уугаарай

Олимпийн мөнгөн медальт Н.Төгсцогт 2013 онд 21-хэн насандаа аав болсон. Анхны хүүхэд, ууган хүүг нь Заманд удганы бага охин Д.Уранзаяа төрүүлсэн билээ. Гийх-Од хүүгийн аав ээж болсон залуу хос тун удалгүй салсан юм. Америкт мэргэжлийн бокст хүч үзэн амжилттай яваа Н.Төгсцогт модель Энэрэлтэй дотносоод удсан. Хэдхэн хоногийн өмнө модель бүсгүй амаржиж, охинтой болсон юм. Н.Төгсцогт төрөөд сар ч болоогүй бяцхан охиныхоо зургийг цахим хуудастаа оруулж, “Охин үр минь Аавдаа ирсэнд Баярлалаа ” гэсэн. Гэтэл үүнээс хойш 10 ч хонолгүй архи ууж, боксчин Шинэчагтагатай зодолдсон гэсэн мэдээ түглээ. 

Энэ сарын 18-нд холимог тулаанч З.Шинэчагтага, Олимп, ДАШТ-ий мөнгөн медальт, гавьяат тамирчин мэргэжлийн боксчин Н.Төгсцогт нар зодолджээ. Тэд согтууруулах ундаа хэрэглэсэн байсан бөгөөд нэгэн баарны гадаа зодолдож буй нь дүрс бичлэгт үлдсэн байна. Бичлэгээс холимог тулаанч З.Шинэчагтага МУГТ Н.Төгсцогтыг зодож байгаа нь тодхон харагдаж байгаа аж.

Хэрэг явдал бааранд болсон бөгөөд З.Шинэчагтага гавьяатыг хуруугаараа даллан дуудснаас болж маргалдаж муудалцах шалтгаан болсон гэнэ. Н.Төгцогтын биеийн байдал сайн байгаа, бэртэл гэмтэл аваагүй байна. МУГТ Н.Төгсцогт саяхан охинтой болж, эх орондоо түр амарч байгаа. Охинтой болсны баяраа тэмдэглэж яваад энэ асуудал үүссэн байх магадлалтай байна. Охиноо бодож байгаа бол архи уухаа болоорой. Боксчдын зодоон, хэрүүл маргаан архинаас үүдэлтэй гэдгийг хэвлэлээр хангалттай бичсээр байгаа шүү.