Манжийн Тэнгэр тэтгэгч хаанд монгол нэртэй морь байсан уу?

Чин гүрний зургаа дахь хаан Тэнгэр тэтгэгч хаанд өнөөгийн Афганистан хавийн нэгэн улсын хаан Манжийн хаанд дөрвөн морь бэлэглэжээ. Хааны энэ дөрвөн морийг тухай үед хааны зураач байсан францын шашин дэлгэрүүлэгч эр зурсан нь өнөөгийн Тайванийн музейд хадгалагдаж байдаг юм байна.

Сонирхолтой нь, энэ зураг дахь дөрвөн морь бүгд монгол нэртэй. Тухайлбал: Идэд (ид шид ) цагаан, Сарт шарга, Тасархай бор, Бэхит хээр нэртэй гэжээ. Уг морьдын зурагт монгол, манж, хятад, араб дөрвөн хэлээр тайлбар хаджээ. Жишээ нь, Тасархай бор гэдэг морийг “Өндөр тийш долоон тохой зургаан ямх, урт тийш найман тохой дөрвөн ямх” хэмээн бичсэн байна.