NO MAK

МАК компанид ийм нутгийг лицензээр олгожээ

Завхан аймгийн Шилүүстэй суманд малчин айл буухыг хориглодог аргаль, янгирын өлгий нутагт МАК компанид лиценз олгосныг нутгийн иргэд хүчтэй эсэргүүцэж буй. Иргэд төдийгүй аймаг, сумын ИТХ, үе үеийн засаг дарга нь ч олон жилийн өмнөөс энд лиценз олгохыг зөвшөөрөхгүй гэдгээ албан ёсоор илэрхийлж АМГТГ-т хүргүүлж байжээ. Гэвч МАК компанид хууль зөрчин лиценз олгосон байна. Нутгийн иргэд энэ газрыг ухуулахгүй гээд буйн шалтгаан нь Монголд цөөхөн үлдсэн онгон зэрлэг байгаль энд бий.

1. МАНДАЛ ХАЙРХАН: уул нь маш үзэсгэлэнтэй өвөртөө монголын газрын зурагны хэлбэртэй зэгсээр хүрээлэгдсэн Мандалт нууртай, ихэр 2 рашаан нь нуурын усаа сэлбэж байдаг. Рашаан нь хүний биеийн бүх төрлийн өвчин тэр тусмаа хотоод дотор, элэгний өвчинг эдгээдэг увдистай.Мандалт хайрханыг нутгийн ард иргэд эртнээс шүтэж тахиж ирсэн бөгөөд 88 шидэт Нарванчин гэгээн, Дилав хутагт нарын номоо уншдаг тахидаг байсан түүх домогтой тахилгат,догшин лус савдагтай уул юм.Мандалт уулыг 108 агуйтай гэдэг.

2.ХАМАР НАРАН: Мандалт хайрханы хажууханд Хамар наран байдаг. Өвөртөө булагтай.Аргаль янгирын хэвтэр олонтой . Агнуурын бүс нутаг тул сумын тусгай хэрэгцээнд авч, ойр хавьд нь айл буух,мал бэлчээхийг хориглосон. Зөвхөн аргал янгир бэлчинэ.

3.ЦАХИР БУЛАГ: Хамар Нарангаас ойрхон зайд оршино.Хөгжил багийн малчид өвлийн цагт ундны усаа залгуулж,малаа усалдаг, аргал янгир нь ундаалдаг Тал булаг, Цахир булаг гэдэг 2 булагтай.Үүнээс өөр устай газар ховор тул МАК компани энэ бүс нутагт уул уурхай олборлосон тохиолдолд НЭГ багийн ард иргэд ,мал амьтад тэр чигээрээ уух усгүй болох эрсдэл үүснэ.

4.УРД ЦАХИР:Аргал янгирын бүс нутаг тул малчин өрхүүдийг өөр бүс нутагруу нүүлгэж сумын тусгай хэрэгцээнд авч хамгаалсан.Олон сайхан уул хад агуй бий. Их нууцлагдмал газар нутаг. Морьтой хүн морьтойгоо орчихдог агуй байдаг. Нэг газраар ороод өөр газраар гарч ирдэг ч агуй ч энд байдаг гэж нутгийнхан ярьдаг.

5. ШҮҮТИЙН ТАЛ: Бод малын бэлчээр нутаг Хөгжил багийн малчдын адууны гол бэлчээр.Түүх домогт газрууд олон. Газар доорх, 20 тэмээ өвс ордог агуй, Нарованчин гэгээнтэний хүрээний туурь гэх мэт….Шүүтийн талын зүүн талд Шүүт уул байдаг. Энэ уул нь аргал янгирын бүс нутаг. Хөгжил багийн малчдын өвөлжөө, хаваржаа, намаржааны гол нутаг юм.Энд бүс нутагт уул уурхай орсон тохиолдолд ШИЛҮҮСТЭЙ сумын эдгээр түүхт нутаг сүйднэ.Тиймээс өвөг дээдсээс үлдээсэн өнө эртний түүх домогтой, догшин лус савдагтай, онгон дагшин нутгаа хамгаалж,нутгийнхан тэмцэх болно гэдгээ илэрхийлж, УУЛ УУРХАЙГҮЙ ШИЛҮҮСТЭЙ нэрийн дор нэгдээд байна.