Туркменистан улсын Ерөнхийлөгч Гурбангулы Бердымухамедов шинэ үйлдвэрлэлийн цогцолбор нээх ёслолд оролцжээ. Туркменистаны байгалийн хийн томоохон орд Галкынышт шинэ цооног нээх энэ ёслолын ажиллагааг тус улсын телевизээр нэвтрүүллээ. Ерөнхийлөгч Бердымухамедов эхлээд барилгын сууринд алтан капсулаар шав тавьж дараа нь алтан тэргэнцрээс алтан хүрзээр бетон хүрздэж аваад, алтан хоолойгоор доош урсгасан юм. Морь унаж, онгоц жолоодож, олны анхааралд байнга өртдөг тус улсын ерөнхийлөгчийн дарангуйлагч гэж үзэх улстөрчид бий.
“Шоучин” Ерөнхийлөгч алтанд үнэхээр дуртай бололтой, өмнө нь бүр алтан комбайнтай зураг, бичлэгээ цацсан билээ. Энэ оны 7-р сард Ерөнхийлөгч Гурбангулы Бердымухамедов үр тарианы талаарх орон нутгийн эрх баригчдын илтгэлийг хүлээн авчээ. Албан хурал эхлэхийн өмнө Бердымухамедов алтан комбайны хажууд тухлан хүүхдүүдийн дуулж хуурдахыг сонсож байсан юм.
https://www.youtube.com/watch?time_continue=2&v=hGKRRzl0c_w&feature=emb_logo
Discussion about this post