Хүйд долоон худагт болж өнгөрсөн Монгол бөхийг Геннист бүртгүүлсний 10 жилийн ойн барилдаан юутай ч болж өндөрлөлөө. Архангай “хүчит хар” Санжаадамба, С.Мөнхбат аварга, Пүрэвдагва арслан барилдаагүй болохоор чансаа өндөр хүчит бөхчүүдийн барилдаан гэж хэлэхэд хэцүү. Дээр нь Ерөнхийлөгч, ерөнхий сайдын нутгийн “орчин үеийн ноёны бөх”, допингтой аварга Э.Оюунболдыг тойрсон шуугиан.
Монгол Улсынын иргэн бүр хуулийн өмнө тэгш эрхтэй. Гэтэл 4 төрлийн сэргээш хэрэглэсэн гэх Э.Оюунболд допингийн аварга цолтойгоо барилдаж, харин нэг төрлийн сэргээш хэрэглэсэн гэх Д.Цэрэнтогтох начин цол чимгээ хураалгаж, барилдахгүй өнжих нь шударга ёс уу? “Где ШОДОРГОС, где ТЭГШ ЭРХ” гээд яривал ноёны бөхийн өмнөөс нүүр улаймаар.
Мөн “допингтой аварга” Э.Оюунболдын тавын давааны барилдаан. Өмнөговийн Э.Нямаа гэх залуутай барилдаж унасан. Тэр Э.Нямаа ч олны хэлсэнчлэн, “ар хударга”, ичих нүүхэндээ элэг наасан” мэхээр ялсан. Залуу хүн тэгж ялсанд орвол тээглээд уначихсан нь дээр биз. Хэл чимээгүй, араас зуудаг нохой шиг муухай харагдаж байна лээ. Тэр “допингтой аварга” гэж хэл аманд ороод буй Оюунболд нь айлын найрнаас гараад “морь харах” гэж байгаа юм шиг бөхийн дэвжээн дээр өрсөлдөгч бөхдөө зүгээр нуруугаа харуулаад алхаж явдаг. Жүдо, чөлөөт бөх, сумо, ер нь ямар ч бөхийн түүхэнд ийм назгай үйлдэл харагддаггүй. Спорт, тэгээд үнэн хүчээ үзэж байгаа бол тэгж хөшилдөж алхах завгүй барилдана биз дээ. Энэ нь үндэсний бөхийн нэг хоцрогдсон, үхширсэн үзэгдлийн нэг хэсэг биз.
Мөн Э.Оюунболдыг допинг хэрэглэсэн гэж хардах бас нэгэн үндэслэл гарчээ. Э.Оюунболд тавын даваанд аймгийн арслан Э.Нямааг амлан авч өвдөг шороодсон.
Тус даваанд улсын аварга П.Бүрэнтөгс Э.Нямааг амлан авах гэхэд Э.Оюунболд “Битгий амлаж аваарай. Зөрүүлчих” гэж учирлаж гуйсан гэх мэдээлэл байна.
Ингээд өөрөө Э.Нямааг амлан авч унасан бөгөөд үүнийг зохион байгуулалттай буюу зорилготой унаж өгсөн хэмээн бусад нь бөхчүүд нь хардаж байгаа аж. Учир нь таваас дээш давсан бөхчүүдээс допингийн шинжилгээ авдаг. Харин Э.Оюунболд допингийн шинжилгээг өгөхгүй хэмээн зугатаасандаа Э.Нямаатай хуйвалдаж унаж өгсөн байх магадлалтай гэж буй аж. Түүнээс Ц.Содномдоржийг давчихаад Э.Нямааг давахгүй байх магадлал бага бөгөөд хэрүүл, зарга тахимаа үүсгэлгүй өгсөн нь ийнхүү хардлага дагуулсан байна. Энэ бүхнээс дүгнээд Э.Оюунболдыг энэ удаагийн барилдаанд ч допингтой оролцсон гэж бусад бөхчүүд хардсан талаар эх сурвалж хэллээ.
Мөн Хууль зүй дотоод хэргийн сайд Х.Нямбаатар Э.Оюунболдыг унасан даруйд бөхийн барилдааныг орхин явсан гэх яриа ч Хүйн долоон хутагт гарчээ.
Discussion about this post