Ховд аймгийн Манхан сумын Баянгол багийн харьяа аймгийн төвөөс баруун урд зүгт 120 км, сумын төвөөс зүүн хойд зүгт 100 км-т орших Рашаантын хүрхрээ хэмээх газарт Зэрэг сумын харьяат гурван иргэн Их хүрхрээ рүү рашаан уухаар явжээ. Гурван иргэний нэг нь гэмтэж, хаднаас буух боломжгүй болсон тухай мэдээллийг наймдугаар сарын 12-ны өдрийн 22:00 цагт аймгийн Онцгой байдлын газар хүлээн авчээ.
Тус аймгийн Онцгой байдлын газрын Манхан сум дахь Эрэн хайх, аврах бүлгийн алба хаагчид мөн өдрийн 22.08 цагт Рашаантын хүрхрээ рүү 100 км зам туулан 23.45 цагт тус хүрхрээний харалдаа уулын бэлд очсон байна. Наймдугаар сарын 13-ны өглөө 07:30 цагт иргэн 41 настай эмэгтэйг 40 метр өндөр хадан хясаанаас эсэн мэнд буулгасан хэмээн ОБЕГ-аас мэдээллээ.
Discussion about this post