Улаанбаатар хотод, Их тэнгэрийн амаас зүүн тийш хоёр км зайтай байрлах “Туул гарден”-д “UB in the Sky” агаарын дүүжин ресторан нээгджээ. Тус ресторан нь кранаар өргөгдсөн байх бөгөөд 45 метрийн өндөрт байрладаг аж.
Нэг удаа 18, өдөрт 200 орчим хүн хүлээн авах чадалтай. Дүүжинд ирсэн зочдоос гадна 4-5 хүн ажилладаг. Рестораны гол хэсэгт тогооч, зөөгч, комедиан, аюулгүй албаны ажилтан ажиллаж, зочдыг хамгаалалтын бэхэлгээтэй суудалд суулгаж, хотын нөхцөл байдлыг агаар дээрээс тольдонгоо тансаг зэрэглэлийн үйлчилгээ авах нөхцөлийг бүрдүүлсэн байна.
Энэ ресторанаар нэг цаг үйлчлүүлэх нэг хүний төлбөр нь 200 мянган төгрөг. Үүнд, амьд хөгжим эсвэл комедиан сонголтоор, европ хоол, зууш, дессерт, уух зүйлс багтжээ. Үүнээс хойш цаг сунгах тохиолдолд хөнгөлөлт үзүүлэх аж. Үйлчлүүлэгчдээ бэхэлгээтэй сандалд суулгаж, аюулгүй албаны ажилтанг байнга байлгадаг. Энэхүү төхөөрөмжийг өмнө нь БНХАУ-д аюулгүй ашиглаж байхад нь захиалж хийлгэсэн. Аюулгүй байдалдаа санаа зовохгүй байж болох гэнэ.
Discussion about this post