Майкл Фелпс олимпийн наадмаас хүртсэн медалийн тоогоор бүх цаг үеийн тамирчдыг тэргүүлдэг

Загасан хүн хочтой Майкл Фрэд Фелпс  1985 оны 6 сарын 30-нд төрсөн) нь АНУ-ын усанд сэлэгч юм. Тэрээр 2004 онд болсон Афины олимпоос 6 алт, 2 хүрэл, 2008 оны Бээжингийн 8 алтан медаль, 2012 он Лондоны олимпоос 4 алт, 2 мөнгө, нийт 28 медаль хүртсэн билээ. Ийнхүү ЗХУ-ын гимнастикч Александр Дитятины  1980 оны Москвагийн олимпоос 8 медаль хүртсэн дээд амжилтыг 2 удаа давтсан тэрээр мөн хувийн төрлөөр нэг олимпоос 5 алтан медаль зүүж,  1980 оны өвлийн  олимпийн Эрик Хайден, 1992 оны зуны олимпийн Виталий Щербо нарын амжилтыг давтжээ. Майкл Фелпс Бээжингийн олимпоос 8 алтан медаль хүртсэнээр 1972 оны Мюнхэний олимпоос 7 алтан медаль хүртсэн АНУ-ын усанд сэлэгч Марк Спиций амжилтыг давж, нэг олимпоос хамгийн олон алтан медаль хүртсэн тамирчин болсон билээ. Мөн олимпийн наадмаас хүртсэн медалийн тоогоороо бүх цаг үеийн тамирчид дунд нэгдүгээрт бичигддэг.