Орчин үеийн бүсгүй ханхүүтэй гэрлээд хааны ордонд амар сайхандаа жаргах биш ханхүүгээ энгийн иргэн болгоод аваад явчихдаг болжээ. Энэ бол Мэган Маркл. Бүтэн нэр нь Рэйчэл Мэган Маркл. Америк аав, африк гаралтай ээжээс мэндэлсэн энэ бүсгүй өнөөдөр 40 нас хүрч байна. Инээд муутайг нь илтгэх тас тас хийсэн чин сэтгэлийн инээд хөөр, хөөрхөн, хөгжилтэй сэргэлэн төрх, боловсон цэмбэгэр байдал, мэргэжлийн жүжигчин гэдгийг нь илтгэх өөрт нь зохисон гоёхон дохио зангаа, нүүрний хувирал. Ханхүү Харри Меган Мерклыг анх харангуут нүдэнд нь бөөн од жирэлзэх шиг болсон гэж ярилцлага өгсөн удаатай. Яах аргагүй орчин үеийн гүнж. Меган Маркл Ханхүү Харригаас гурван насаар эгчмэд. Тэр бүү хэл Ханхүү Харригийн ах Уилъяамаас нэг насаар эгч. Гэсэн ч энэ дэлхийн хамгийн нэр хүндтэй хаан удмын угсаа залгамжлах ханхүүтэй гэрлэж чадсан. Тэр бүү хэл хааны угсаа залгамжлах 6, 8 дахь угсаа залгамжлагчийг төрүүлсэн юм. Меган Меркл эр нөхөр ханхүү Харриг, хүү Арчитай дагуулан төрж өссөн Америктаа амьдрахаар явсан. Маш их хэл ам, атаа жөтөөнөөс холдон одсон. Амар тайван амьдралыг эрэлхийлсэн, олсон байх. 40 насны төрсөн өдрийн мэнд хүргэе. Меган Маркл. 
Discussion about this post