СОЁЛЫН ЯАМ БУРИАДУУДААС УУЧЛАЛ ГУЙЖ, НААДМЫН КОНТЕНТООС БУРИАДЫН ХЭСГИЙГ ХАСЧЭЭ

Соёлын яамны Төрийн нарийн бичгийн дарга С.Оюунбилэг Буриадын академийн ерөнхийлөгч С.Билэгсайхан тэргүүтэй буриад зоны төлөөллийг хүлээн авч уулзжээ. Уулзалтанд Соёл урлагын газрын дарга Б.Сэргэлэн, Соёлын сайдын биe төлөөлөгч Ширнэн, Хуулийн ажилтан Энхболд нар байлцжээ. Хатагтай С.Оюунбилэг албан ёсоор Буриадуудаас уучлалт гуйж, Ардын хувьсгалын 100 жилийн ойн контентоос буриадын хэсгийг хасуулсан тухай мэдээлжээ. Ардын хувьсгалын 100 жилийн ойн контентын жүжигчин Г.Алтаншагайн дуулсан буриад дуу болон буриад зоны зан үйлийг харуулсан хэсэг буриадуудыг доромжилсон, хэт марзаганасан, бодит байдлыг дэгсдүүлсэн дүрслэл, үйлдлээр дүүрэн болсон гэж буриадууд эсэргүүцсээр байгаа.