Анжелина Жоли 2016 онд нөхөр Брэд Питтээс салах өргөдлөө өгснөөс хойш тэдний дунд хүүхдүүдээ асран хамгаалахтай холбоотой маргаан үргэлжилсээр байна. Энэ маргаан таван жил үргэлжилж байна.
Өнгөрсөн тавдугаар сард хүүхдүүдийг хамтран асран халамжлах эрхийг Брэд Питтэд олгосон шүүгч Жон Оудеркирк нь Брэд Питтийн өмгөөлөгчтэй бизнесийн харилцаа холбоотой байсан нь илэрчээ. Калифорни мужийн шүүх саяхан Жон Оудеркиркийг хувийн харилцаагаа нууцалснаар шүүгчийн ёс зүйн хэм хэмжээг зөрчлөө гэж үзээд түүнийг “Бранжелина”-гийн хэргээс холдуулжээ. Ингэснээр зургаан хүүхдээ хэн нь асрамжлах тухай маргааныг өөр шүүгч дахин авч хэлэлцэхээр болов.
Брэд Питтийн хэвлэлийн төлөөлөгч тус шүүхийн шийдвэрийг асуудалд өнгөц хандсан гэж мэдэгдсэн байна. Анжелина Жоли энэ талаар ямар нэг мэдэгдэл хийгээгүй байна. Байдал өөрт нь ашигтайгаар эргэж байхад юугаа ч хэлэх вэ. Анжелина Жоли аав ээжийн хэн нь асран хамгаалах эрхийн төлөөх шүүх хуралдаан хүүхдүүдийнх нь саналыг сонсох ёстой гэж үзэж байгаа гэнэ. Шүүгч Жон Оудеркирк хүүхдүүдэд нь энэ эрхийг олгохоос татгалзсан байжээ. Ийнхүү 17 настай Пакс, 16 настай Захара, 15 настай Шило болон 13 настай ихрүүд Вивьенн ба Нокс нарыг асран хамгаалах эрхийг авахаар Холливудын Алтан хос байсан од үргэлжлүүлэн заргалдаж, шүүхээр явахаар боллоо.
Тэд “Ноён ба хатагтай Смит” хэмээх бүтээлд хамтран гол дүр бүтээж байхдаа дотноссон. Үүнээс хойш 10 жилийн хугацаанд үерхэж, хамтран амьдарч байгаад 2014 онд албан ёсоор гэр бүл болсон юм. 10 жил хамт амьдарсан, зургаан хүүхэдтэй Брэд Питт, Анжелина Жоли хоёрыг хамгийн бат бөх гэр гэж байсан. Гэтэл гэрлээд ердөө хоёр жилийн дараа Жоли “тэсвэрлэшгүй их зааг ялгаа”-наас үүдэн салах өргөдлөө өгснөөр алдарт хос салжээ. Тэд 2019 онд хуулийн дагуу баталгаажин бүрмөсөн салсан юм. Гэсэн ч хүүхдээ асрах маргаан өрнөсөөр байна. Дашрамд сонирхуулахад Анжелина жоли Билли Боб Торнтон, Жонни Ли Миллертэй гэрлэж байсан. Энэ нь Жолигийн гурав дахь гэрлэлт байсан бол Брэд Питт Женнифер Анистонтой албан ёсоор гэрлэж
байв. 
Discussion about this post