“Чингис хаан” хамтлаг, хамтлагийн ахлагч Д.Жаргалсайхан жижиг сажиг тоглолтод оролцдоггүй. Үүнийгээ “ховор чихрийн бодлого” гэдэг. Рок попын нууц ноёнтон, хувьдаа алтны уурхайтай нэртэй дуучинд дуулж олох мөнгө сонин биш байх. Шинэхэн Ардын жүжигчин Д.Жаргалсайханы гэр нь л гэхэд музей шиг гоё гэлцдэг. Нэртэй уран барималч, сийлбэрч эрийн хүү болохоор аргагүй. “Чингис хаан” хамтлагийн ахлагч хөрөнгөлөг дуучин амьдралдаа гурван удаа гэрлэсэн. Анхны эхнэр математикийн багш Туул гэж сайхан эмэгтэй би. “Мэнгэ төөрсөн амраг” дуугаа анхны гэргийдээ зориулсан. Ноён Жагаагийн анхны эхнэрээс гарсан хүүхэд “Сүнс” хамтлагийн гишүүн Ж.Замилан нас нь 43 хүрч байгаа. Удаах амьдралаа Туяа хэмээх бүсгүйтэй ханилж, Ж.Тэнгэр хүүтэй болсон.
Д.Жаргалсайханы одоогийн эхнэрийг Мөнхзул гэдэг. Нэр дуучнаас насаар олон дүү Зулаа “Зоос” банканд теллер хийж байхдаа “буржгар” Жагаатай танилцан гэрлэжээ. Одоо 10 гаруй жил хамт амьдарч хоёр хүү нэг охины ээж болсон. Мөнхзулын хувьд харсан бүхэн эргэж хармаар гоё бүсгүй. Тиймээс Чингис хаан хамтлагийн ахлагч “Гоёхон минь” дуугаа Зулаадаа зориулж зохиосон гэдэг.
Discussion about this post