СГЗ Ү.Хүрэлбаатарын хайрын бурхан, хайрын 500 дууны эзэн Л.Эрдэнээ

Ү.Хүрэлбаатар гэх бүдүүн хадуун эр ард түмний амны уншлага аялгуу болсон олон хит дууны шүлгийг зохиосон. МУГЖ Б.Сарантуяагийн “Хайрын бурхан”, “Супермэн”, “Хэн юм бэ”, МУГЖ Т.Ариунаагийн “Нарны хаан хүүхдүүд”, “Харанга” хамтлагийн “Сар шиг хол нутаг”, “Хайрын дээд хань минь”, МУГЖ Амаржаргалын “Амин нүдэн”, “Үггүй хайр” гээд үеийн үед дуулагдаж яваа дууны шүлгийг бичсэн. Яруу найрагч Ү.Хүрэлбаатарыг 500 дууны үг бичсэн гэх юм билээ.

Дууны шүлгийн талаар бол Ү.Хүрэл­баа­тарыг гүйцэх хүн байхгүй хэмээн “Харанга”-ын Чука түүнийг магтсан. Урлагийнхан Хүрлээ ахын шүлэг их гоё гэж дууг нь дуулахаар уралддаг гэх юм билээ. Тэр тусмаа хайрын дууны шүлгийн мастер гэдэг.

Хэвлэл мэдээллийн төдийгүй шинжлэх ухаан, боловсролын салбарт жинтэй хувь нэмрээ оруулж яваа яруу найрагч, МУСГЗ Ү.Хүрэлбаатар бүтээлүүдээ гэргийдээ зориулдаг гэсэн. Ү.Хүрэлбаатарын “Хайрын бурхан”, “Хайрын дээд хань нь” Эрдэнэ гэж эмэгтэй бий.  Тэд гурван хүүхэдтэй. Өнөөдөр Үржингийн Хүрэлбаатар гуай “ГЭРГИЙДЭЭ

Бид хоёр ханилан суугаад дөчин нэгэн намрын жимс жимслэхийг үзэв. Намар намрын цэцэгсийн үнэрт согтуурч найргийн зэрэглээнд зээрд халзан унаган зэл татаж зэндмэнэ сүмбэр уулсыг бүтээж зэргийн олон нөхдийнхөө дунд итгэлийн туг мандуулж эрмэг зоримог амьдарч явна даа. Гэргий Erdene Luvsanchultem төрсөн өдрийн мэнд хүргэж гайхамшигт хөгжмийн зохиолч Гаадангийн Алтанхуягийн аяыг нь дөнгөж сая, өнөө өглөө зохиосон “Итгэлийг минь хайрлаарай” дуугаар бэлэг баръя аа. Бид хоёрын амьдрал итгэлийн дуулал юм шүү. Итгэл сэтгэлийг бөхөлж гэмээ нь сайн сайхан амьдрал цэцэглэдэг билээ” гэж баяр хүргэлээ.