“Amazon” компанийг үүсгэн байгуулагч Жефф Безосын хөрөнгө 10.6 тэрбум ам.доллароор нэмэгдэж, нийт хөрөнгө нь 212.4 тэрбум ам.доллароор үнэлэгдэж байна.
Харин түүний эхнэр байсан Маккензи Скоттын хөрөнгө 3.5 тэрбум ам.доллароор өссөн байна. Энэ долоо хоногт “Amazon” компанийн хувьцаа 5.9 хувиар өсжээ. Ж.Безос “Amazon” компанийн ерөнхий захирлын суудлаа 7 дугаар сард орхисон хэдий ч захирлуудын зөвлөлийн даргын албан тушаалд үлдэж, арав гаруй хувийн хувьцааны багцаа хадгалан авч үлджээ.
АНУ-ын Батлан хамгаалахын яам үүлэн тооцооллын салбарт 10 тэрбум долларын үйлчилгээ үзүүлэх гэрээг цуцалсан тухай мэдээлэл тийнхүү компанийн хувьцаа өсөхөд нөлөөлжээ.
“Forbes” сэтгүүл дэлхийн баячуудын жагсаалтаа өнгөрсөн 6 дугаар сард шинэчилсэн. 200 тэрбум долларын хөрөнгөтэй, Францын “Vuitton Moët Hennessy” (LVMH) группийн ерөнхийлөгч Бернар Арно манай гарагийн хамгийн баян эр болжээ. 72 настай Арногийн хөрөнгө зөвхөн сүүлийн 1 хоногт л гэхэд 1,4 тэрбум доллараар нэмэгджээ. 2021 он гарснаас хойш түүний мөнгө 50 тэрбум доллараар арвижсан байна. Хоёрдугаар байрт “Amazon”-ы тэргүүн Жефф Безос 199,6 тэрбум доллартай гэж орсон. Энэ удаа Жефф Безос дэлхийн баячуудыг тэргүүлж эхлэв.
Discussion about this post