“The wasabies” хамтлагийн дуучин Э.Аминхүслэн хөл хүнд болж, анхны үрээ хүлээж байгаа. Одоогоос гурван жилийн өмнө “Оддын академи” шоу болж, сүүлчийн шатанд үлдсэн таван охин нэг хамтлаг байгуулсан. Энэ шоуны хамгийн хөөрхөн оролцогч Э.Аминхүслэн гээд 16 настай охин байсан. Оддын академиас төрсөн “THE WASABIES” хамтлагийн анхны уран бүтээл “Girls Generation” нэртэй дуу нь 2018 оны дөрөвдүгээр сард олон нийтэд цацагдсан даруйдаа багагүй амжилт олж байв. Ү-гүй, Bestie , Love # 1, Toy, Run away зэрэг дуунуудаа гаргасан билээ. “Ү-гүй” дуу Азийн шилдэг 50 дууны 20-д эрэмбэлэгдэж байв. Мөн 2019 онд хамтлагаараа “Шарк танк” нэвтрүүлэг оролцож, “Петровис”-ийн Оюунгэрэл агсан, MCS группийн дэд ерөнхийлөгч Д.Энхтүвшингээс 100 сая төгрөгийн хөрөнгө оруулалт авч чадсан юм.
“The wasabies хамтлаг нь анх Буяндулам, Энхгэрэл, Аминхүслэн, Анужин, Анжелина гэсэн таван гишүүнээс бүрдсэн ч хамтлагийн гишүүн Анжелина бие даасан уран бүтээлээ хийхээр хамтлагаасаа гарсан. Харин хамтлагийн царайлаг бүсгүй Аминхүслэн 20 хүрээгүй насандаа ээж болохоор бэлдэж, гэрлэлтээ батлуулж, Монгол Улсад нэг өрх бүл нэмж байна. Цар тахлаас шалтгаалж уран бүтээлийн түр завсарлага авсан энэ үеийг ашиглан ээж, айлыг гэргий болох нь эмэгтэй уран бүтээлчдийг хувьд хатан ухаан гэлтэй.
Discussion about this post