Говь-Алтай аймгийн Засаг даргын Тамгын газар, нутгийн сүсэгтэн олон, Дамбапэлжээлин хийдийн урилгаар Наро Банчэн гэгээнтэн Алтай нутгийг зорьжээ. Гэгээнтний айлдвар халдвар, хамгааллын дэглэмийн хүрээнд хийгдэх бөгөөд олон хүн нэг дор цугласан үйл ажиллагаа зохион байгуулагдахгүй. Харин орон нутгийн мэдээллийн хэрэгслээр дамжуулан сүсэгтэн олонд айлдвараа хүргэх аж. Тэрбээр асрал, энэрэл, бие биенээ гэх сайхан сэтгэлийн ач тус, шүтэн барилдлага, харилцан хамаарлын жам ёсны талаар тайлбарлан айлдвар хүргэж номын авшиг хүртээх ажээ.
Мөн Наро Банчэн гэгээнтэн Говь-Алтай аймгийн нэгдсэн эмнэлэгт “Ковид-19”-ийн эмчилгээнд зориулж 15000 тун мана 4, норов 7 тан, 500 ширхэг оношлуур хандивлана. Мөн салхи шуурганд нэрвэгдсэн долоон айлын байрны засварт зориулж мөнгөн хандив өгөх зэрэг хүмүүнлэгийн сайн үйлс хийх юм байна.
Discussion about this post