“Арын ордны Рү Игийн хайр” кино гарч, үзэгчдийн сонирхлыг татаж байна. Уг киноны гол дүр Рү Игийн дүрд тоглосон Жөү Шүн нь Хятад, Хонконг, Тайвань улсын хамгийн том кино наадмын шагналыг бүгдийг нь авсан АНХНЫ эмэгтэй жүжигчин. Хятадын топ 4 эмэгтэй жүжигчний нэг. Жүжигчин зураг авалттай үед энэ ачааны машиндаа байрладаг. Энэ байшин-машин нь 3,9 сая юаны үнэтэй буюу ойролцоогоор 2 тербум төгрөгийн үнэтэй юм байна. Тэрбум гаруй хүнтэй Хятадад нэрд гарсан жүжигчид зогсоо зайгүй зураг авалттай байдаг болохоор ийм тухтай нөхцөлд байж л ажлаа хийдэг биз ээ.
“Арын ордон дахь Рү Игийн хайр” хэмээх цуврал кино нь бүх цаг үеийн хамгийн шилдэг, тансаг дээд кино гэж ойлгож болох юм. Лю Лянзи зохиолыг бичсэн бөгөөд хамрах хүрээ том, хувцаслалт, гоёл чимэглэл нь маш нарийн хийцтэй, хатан татвар болгон анги бүр дээр өөр өөр өнгийн дээл, чимэгтэй гарах нь таны нүдийг баясгах болно. Тоглож буй жүжигчид маш нарийн дэг, алхаа, гар, биеийн байрлалыг дагах ба мөргөж, мэндлэхээс нь та харна. Дүрийн судалгааг үнэхээр сайн хийсэн. Жишээ авбал Юү татвар нь Чусоны/Солонгос/ вант улсаас ирсэн Ким овогтой Солонгос хүн юм. Өргөөндөө байхдаа ханбүг /солонгос үндэстний дээл/ өмсдөг, мөн уйдах үедээ, хаанаа баясгах үедээ солонгос үндэсний ятга хөгжмийг тоглодог. Эдгээрийг кино баг тусгайлан оёж, бүтээж хийсэн байдаг. Энэ мэтчилэн дүр бүр дээр маш нарийн ажилласан байгаа юм. Дээл, толгойн гоёлыг гар аргаар нарийн хийснээс гадна тэр үеийн манж хүмүүсийн уламжлалт хэв маяг, дээлний загварыг маш ойр дөхөм дөхөм урлан хийсэн гэдэг. Анги тус бүр нь ойролцоогоор 1.95 сая долларын өртөгтэй болсон нь Хятадын хамгийн үнэтэй телевизийн цувралаар тодорсон байна.
Discussion about this post