Сая мод тарьсан Чинагийг Галсан гуай өнөөдөр 1000 суулгац хандивлаж, иргэд мод тарилаа

Зохиолч Чинагийн Галсан гуай Монголдоо нэг сая мод тарьсан эрхэм. Тэрбээр суулгацуудаа өөрөө үрслүүлж, бяд суусан, салхи даах хэмжээнд хүргэж байж суулгаж тарьдаг учраас ургахгүй үхнэ гэсэн ойлголт байхгүй. Ялангуяа тариалахдаа модны үндэс, хүнээр бол цусны эргэлтийг хангах нарийн судас бүрийг эвдэж, гэмтээхгүй суулгах ёстой гээд суулгах нүхийг 60 см-ээс гүн, өргөн нь ч тэр хэмжээнээс дээш байлгахаар тооцож тарьдаг. Үүнийгээ ч мод тарьсан хүүхэд залууст зөвлөж, тэд ч тэр ёсоор тарьдаг. Тиймээс л сая шахам мод тарьж ургуулсан.  “Чинагийн Галсан” сангаас 2020 оны 10-р сарын 10-нд буюу мод тарих өдрөөр Сэлхийн аманд Гүнжийн булагийг тойруулж мод суулгасан. Гүнжийн булагт суулгах 1000 модны суулгацыг зохиолч Ч.Галсан гуай үнэ төлбөргүй хандивлаж, өөрөө үлгэрлэж, залуус хамтран мод тарив. Уг газар нь улсын эзэмшлийнх бөгөөд цэцэрлэгт хүрээлэн байгуулахаар зохион байгуулагчид нь төлөвлөж байгаа ажээ.