1990-ээд оны охидын алдарт Spice Girls хамтлаг 25 жилийнхээ ойг тохиолдуулан “Wannabe25” EP цомог гаргахаар болжээ. Цомогт өмнө нь цацагдаагүй байсан “Feed Your Love” дуу багтсан байна. Уг дуунд хамтлагийн вокал дуучид болох Жери Холлиуэлл, Мелани Си, Эмма Бантон, Мелани Браун нараас гадна Виктория Бекхэм вокал дуулснаараа онцлогтой юм. “Feed Your Love” дууны үг, аяыг Spice Girls хамтлагийн гишүүд болон Ричард Стэннард нар бичжээ. Тэдний шинэхэн цомог нь энэ жилийн долдугаар сарын 9-ны өдөр стриминг тавцангуудаар цацагдаж тухайн сарынхаа 23-ны өдөр касет, пянз хэлбэрээр худалдаанд гарах .
Эргэн сануулахад, Spice Girls хамтлаг 1994 онд үүсгэн байгуулагдаж 1996 онд “Wannabe” дуугаа гаргаснаар дэлхийд танигдаж чадсан билээ. Харин удалгүй хамтлагийн гишүүд соло уран бүтээлээ хийхээр хамтлагаасаа гарсан ч хэн нь ч дорвитой амжилт гаргаж чадаагүй юм. Тиймээс 2007 онд Spice Girls эргэн нэгдсэн ба төд удалгүй тарсан билээ. Гэсэн ч 2019 онд Виктория Бекхэмээс бусад гишүүд хуучны дуунуудаа дуулан Европын улсуудаар аялан тоглолтоо хийсэн байдаг. Харин хамтлагийн бүх гишүүд оролцсон шинэ дууг шүтэн бишрэгчид нь сонсоогүй 14 жилийн нүүрийг үзээд байсан юм.
Discussion about this post