Ерөнхийлөгчийн сонгууль өндөрлөж, МАН-ын байр наадам шиг л гишүүдээр тасрахгүй байна. Намынхаа 100 жилийн ойгоор Ерөнхийлөгчийн сонгуульд нэр дэвшигчээ ялуулахаар улайран зүтгэсэн хүмүүс, “намчид” удирдлагынхаа нүдэнд торчих санаатай эргэлдэж байна. МАН илэрхий мөнгөөр зодсон, хүч түрсэн шинж иргэдэд ажиглагдаж байсан. Ерөнхийлөгчийн сонгуулийн дүн эцэслэгдэн гарч, хүмүүс сонгуульд зүтгэсэн гавьяа шагналаа авч эхлээд байна. МАН-аас нийслэлийн зургаан дүүрэг дунд уралдаан зарлаж, Ерөнхийлөгчөө хамгийн өндөр хувиар гаргасан намын хороог шагнажээ. Энэ уралдаанд Сонгинохайрхан дүүргийн МАН-ын хороо шалгарч, 100 сая төгрөгөөр шагнуулсан сурагтай. Ерөнхийлөгчийн сонгуульд Сонгинохайрхан дүүргийн сонгогчид 67 хувийн ирцтэй байж, 79 хувийн саналыг 6 дахь Ерөнхийлөгч болох У.Хүрэлсүх авсан байна.
Discussion about this post