“The wasabies” хамтлагийн дуучин Э.Аминхүслэн хөл хүнд болж, анхны үрээ хүлээж байна. Одоогоос гурван жилийн өмнө “Оддын академи” шоу болж, шүүгчээр “Никитон” хамтлагийн дуучин Б.Батчулуун, “Киви” хамтлагийн дуучин Ц.Намуун, реппер Big Gee буюу Т.Мөнх-Эрдэнэ, урлаг судлаач Б.Наранзун нар ажилласан билээ. Энэ шоунд Э.Аминхүслэн оролцохдоо 16 настай байсан. Оддын академиас “THE WASABIES” хамтлаг төрөн гарсан. Энэ хамтлагийн продюсерээр хөгжмийн зохиолч Б.Наранзун ажилладаг. Анхны уран бүтээл “Girls Generation” нэртэй дуу нь 2018 оны дөрөвдүгээр сард олон нийтэд цацагдсан даруйдаа багагүй амжилт олж байв. Ү-гүй, Bestie , Love # 1, Toy, Run away зэрэг дуунуудаа гаргасан билээ. “Ү-гүй” дуу Азийн шилдэг 50 дууны 20-д эрэмбэлэгдэж байв. Мөн 2019 онд хамтлагаараа “Шар танк” нэвтрүүлэг оролцож, “Петровис”-ийн Оюунгэрэл агсан, MCS группийн дэд ерөнхийлөгч Д.Энхтүвшингээс 100 сая төгрөгийн хөрөнгө оруулалт авч чадсан юм.
“The wasabies хамтлаг нь анх Буяндулам, Энхгэрэл, Аминхүслэн, Анужин, Анжелина гэсэн таван гишүүнээс бүрдсэн ч хамтлагийн гишүүн Анжелина бие даасан уран бүтээлээ хийхээр хамтлагаасаа гарсан. Харин хамтлагийн царайлаг бүсгүй Аминхүслэн 20 хүрээгүй насандаа ээж болохоор бэлдэж байна. Дэлхий нийтийг хамарсан цар тахлаас шалтгаалж урлаг, уран сайхны арга хэмжээ “хөл хорио”-нд ороод байгаа. Уран бүтээлийн түр завсарлага авсан энэ үеийг ашиглан ээж болох нь эмэгтэй уран бүтээлчдийг хувьд хатан ухаан гэлтэй.
Discussion about this post