Суссексийн гүн, хунтайж Харри, гүнгийн ахайтан Меган Маркл нар 2021 оны 06 дугаар сарын 04-ний өдөр хоёр дахь хүүхдээ өлгийдөн авчээ. Меган Маркл 3.5 кг жинтэй охин төрүүлсэн бөгөөд Лилибет Дайана Моунтбаттен-Уиндсор гэх нэрийг өгсөн байна. Лилибет нь хатан хаан Элизаетын хүүхэд насны нэр бол Дайана нь Харригийн талийгаач ээжийн нэр юм байна. Хэдий эцэг, эх нь хатан хааны гэр бүлийнхэнтэйгээ таарамж муутай, тусдаа амьдарч байгаа ч Лилибет охин Их Британийн хаан ширээг залгамжлах хүмүүсийн наймдугаарт эрэмбэлэгдэж байна.
Харри, Меган Маркл хоёрын ууган хүү 2019 онд мэндэлж, Арчи гэж нэрлэсэн. Тэд 2020 оны 4 дүгээр сард Их Британийн язгууртны гэр бүлээс туурга тусгаарлаж, АНУ-д амьдрах болсон юм. Ингэх болсон шалтгаан нь ордны хатуу дэг жаяг, арьс өнгөний үзэл байсан гэж тайлбарлаж байгаа.
Discussion about this post