Америкийн Охайо мужийн эрх баригчид “Covid 19”-ийн эсрэг вакцин тариулсан хүмүүсийн дунд “Vax-a-Million” сугалаа явуулж байна. Сугалаанд 18 нас хүрсэн, вакцинжуулалтад хамрагдсан бүх иргэн оролцох эрхтэй. Сугалааны ялагчдыг санамсаргүй, түүвэрлэх аргаар тодруулдаг. Хожлын мөнгийг АНУ-ын коронавирүсийн эсрэг тэмцэн сангаас гаргаж байгаа. Нийт 5 ялагчийг тодруулах аж. Охайо мужийн Сильвертон тосгоны оршин суугч Огайо Эбигейл Бугенске сугалааны хамгийн анхны ялагч болж нэг сая доллар хожжээ. Энэ тухай “NBC News” мэдээллээ. Түүнээс гадна Энглвуд нутгийн Жозеф Костелло гэдэг залуу энэ сугалаанаас коллежийн бүтэн сургалтын төлбөр хожсон байна. Огайо мужийн амбан захирагч Майк Деуайн “Энэ хөтөлбөрийн зорилго бол хүн амын дунд вакцинжуулалтыг сурталчлах. Бид энэ сугалаа явуулах тухай зарласны дараа вацинжуулалтад хамрагдах хүмүүсийн тоо огцом өслөө, ялангуяа залуусын дунд” гэж мэдэгджээ. Сонирхуулахад, Америкийн Нью-Йорк, Мерилэнд мужууд мөн ийм төрлийн сугалаа явуулж байна.
Америк улс насанд хүрсэн иргэдийнхээ 50 хувийг бүрэн вакцинжуулжээ. 9 мужид иргэдийн 70 хувь, харин 25 муж ба Вашингтонд арай 50 хувьд хүрээгүй байна. АНУ өөрийн хүн амаа вакцинжуулахад “Moderna”, “Pfizer”, “Johnson & Johnson” гэсэн 3 төрлийн вакцин ашиглаж байгаа.
Discussion about this post