“Элдэв зураг” хошин хөтөлбөрийг инээдмийн баярын өдөр хийдэг байсан жүжигчин С.Жанчивдорж, Г.Дашхүү хоёрыг үзэгчид одоо ч үгүйлдэг. Урлагийн удам тасардаггүй, авъяас удамшдаг болохоор Г.Дашхүү, С.Жанчивдорж агсны хөвгүүд аавынхаа мэргэжлийг өвлөж, өөр өөрийн гэсэн уран бүтээлээ хийсээр яваа. Г.Дашхүү агсны хүү Г.Галбаяр “GO” студи байгуулж, уран сайхны кино хийж, клипний мангас болж, МУГЖ Самандын Жавхлангийн хамаг клипийг хийдэг. Г.Галбаярын эхнэр жүжигчин Т.Хулан Харин С.Жанчивдорж агсан хоёр хүүтэй, эхнэрээсээ салахдаа хоёр хүүгээ өөр дээрээ авч үлдэж, “Хоёр хүүгээ хоёр гараасаа 10-ын бидон шиг зүүж хөтөлсөөр өсгөсөн сайн аав” гэж театрынхан ярьдаг. Бага хүү Ж.Сэнгэдорж нь сайн найруулагч, найруулсан киног нь нэг бүрчлэн нэрлэнэ гэвэл нэлээд урт жагсаалт гарна. “Адам” киногоороо Японы кино авардсаас шагнал хүртэж, “Үүр цайгаасай”, “Цагаан хадаг”, “Лардьма” зэрэг олон киноны найруулагчаар ажилласан. Том хүү Ж.Жамъянсүрэн нь МУГЖ дуучин Т.Баясгалангийн “Зөвхөн чамдаа” дууны клипэнд жүжигчин Бямбацогтын эхнэрийг эргүүлдэг залуугийн дүрд тоглосон. “Мөрөөдлийн хөлөг онгоц” киноны дүрээр нь залуус хандахгүй. Авъяаслаг жүжигчин Жамъянсүрэнгийн бие сайнгүй байлаа. Бөөр нь өвдсөн учраас бөөрний өндөр үнэтэй аппаратанд байнга орох шаардлагатай болж, нэг хэсэг уран бүтээлээсээ завсарласан.
Нас нь 40 гарч байгаа Ж.Жамъянсүрэн өөрөөсөө бараг 20 насаар дүү бүсгүйтэй оюутан байхад нь анх амьдарч, өдгөө хоёр хүүхэдтэй болжээ. Гэргий нь залуухан ч жүжигчин нөхрөө халамжлахдаа гаргуун, тиймдээ ч бие нь тааруухан байсан Ж.Жамъянсүрэн өвчнөө ялж чаджээ. Тэрээр “Хөхөө” кино найруулсан нь найруулагч, урлаг судлаачдаас өндөр үнэлгээ авч байна. 
Discussion about this post