Дуучин Отгонжаргалыг баян нөхөр нь дуулуулдаггүй байжээ

Дуучин Отгонжаргал СУИС-ийн сайн багш нарын нэг МУГЖ Ичинхорлоогийн гарын шавь. СУИС-ийн дуурийн дуулаачийн ангийг төгссөн Отгонжаргал СУИС-ийг сайн дүнтэй дүүргэсэн оюутнуудын нэг. Гэхдээ их сургуулиа төгсөнгүүтээ дуулж чадаагүй. Хоёр гурван ижил гэртээ хүүхдээ харж суусан. Гэвч 2009 оноос уран бүтээлдээ орж, оройхон гараад ширүүхэн дайрна гэгч л болж, Монголын эмэгтэй дуучдыг өнгөлөх болсон. Дуучин Отгонжаргал нэг хэсэг дуулж чадаагүй нь өөрөөс нь ахимаг насны, чинээлэг нөхрөөс нь болсон гэх юм билээ. СУИС төгсөж байсан жаахан охиныг толгойг нь эргүүлэн авч суусан нөхөр нь Отгонжаргалыг огт тайзан дээр гаргадаггүй, олны өмнө гаргаж дуулуулах дургүй байсан гэдэг.  СУИС төгсөнгүүтэй охиноо төрүүлсэн Отгонжаргалыг авч явж гадаадад багагүй хугацаагаар  амьдарсан гэдэг. Охиноо харангаа Европын орнуудаар зугаалж явсан Отгонжаргал Италид явж байхдаа нэг дуурийн театраар орж, сонирхлоороо дуулахад Итали багш гайхаж “Чи хаанахын дуучин бэ” гэж асуусан гэдэг. Отгонжаргал Монголынх гэж хариулахад нөгөө итали хүн “Ийм сайхан охин яагаад дуулдаггүй юм бэ. Дуулбал чамд царай зүс, бие галбир, хоолой гээд бүх “материал” байна. Чиний хоолой, гоо үзэсгэлэн хаанахын ч тайзан дээр гологдохгүй” гэж хэлсэн гэдэг. Угаасаа дуулах дуртай, дуучин мэргэжилтэй Отгонжаргал тэгэхэд л дуулахаар эрс шийдэж, Монголдоо эргэн ирсэн гэдэг. Тайзан дээр гаргадаггүй хартай нөхрөөсөө салж, эргэлт буцалтгүй урлагийн замыг сонгосон. Хэрвээ дуучин Отгонжаргал дуулуулах дургүй нөхрөөсөө салаагүй бол бид одоо дуучин Отгонжаргалын дууг сонсохгүй,  ”Ану хатан” киноны Ану хатны дүрийг бүтээхгүй Отгонжаргал одоо гэрийн сайн эзэгтэй явах ч байсан байж магадгүй. Их урлаг их золиос шаарддаг гэдэг л энэ байх даа. WWW.TAIZ.MN