“Мон-Уран”-ы захирал, УИХ-ын гишүүн асан Б.Наранхүү Улаанбаатар хотын төвд, бүр паркийн хашаанд 1.1 га газарт амьдардаг. Нийслэлчүүд та нар анзаарч байсан уу. Энэ газрыг их эрт, 2011 он хүртэл газрын маргаантай байсан асуудлыг Улаанбаатар Хотын дарга асан Г.Мөнхбаяр Наранхүүд бүрэн шилжүүлчихсэн байна. УИХ-ын гишүүн асан Б.Наранхүүг “газрын наймаачин” гэсэн цол дагалддаг. Улаанбаатар хот, Баянзүрх дүүргийн 26 дугаар хороо 30 шахам мянган хүн амтай атлаа ганц улсын сургуульгүй гэж 4-5 жил дамнан эцэг эх нь хэл ам хийж, шүүхдэж яваа. Ерөнхий сайдын ахлах зөвлөх Ж.Энхбаяр БЗД-ийн тус хорооноос сонгогдсон үедээ Б.Наранхүүгээс газрыг нь бэлэглэлийн журмар авч, сургууль барихаар боллоо гэсэн ч мөн л таг болов. Тэр үеэр иргэд “Мон-Уран”-ы Наранхүү Олимп хотхоны газраас Баянзүрхийн товч хүртэл 22 га газар эзэмшдэг гэсэн хэл ам хийж байсан билээ. 
Discussion about this post