“Эрдэнэс тавантолгой” энэ оны зөвхөн нэгдүгээр сард гэхэд шүүхийн тэмдэгтийн хураамжинд 266 сая төгрөг төлжээ. Б.Ганхуяг гүйцэтгэх захирлаар томилогдоод хамгийн олон буюу 150 гаруй хүнийг ажилд авсан байдаг. Үүнээс тал хувийг нь удирдлагын аппаратад оруулсан нь 2016 онтой харьцуулахад дарга, захирлын тоог 35 хувиар өсгөсөн. “Эрдэнэс таван толгой” компаний хөгжлийн бодлого, стратеги, бизнэс төлөвлөгөөг боловсруулах хэрэгжүүлэх чиг үүргийг Бизнес төлөвлөлт, инновацын болон Эдийн засаг, хөрөнгө оруулалтын гэсэн хоёр хэлтэстэй. Шинээр болон хэрэгжиж байгаа төслийг Төслийн удирдлагын хэлтэс, Дэд бүтцийн хэлтэс, Бизнес төлөвлөлт, инновацын болон Эдийн засаг хөрөнгө оруулалтын гэсэн дөрвөн хэлтэс хариуцдаг. Санхүү, тайлан тооцоо гаргах чиг үүрэг нь Санхүүгийн хэлтэс, Нягтлан бодох бүртгэлийн болон Эдийн засаг, хөрөнгө оруулалтын гэсэн гурван хэлтэс бий. Компаний удирдлагыг хэрэгжүүлэх 60 гаруй хүнтэй Ерөнхий удирдлагын нүсэр газар байсаар байтал Б.Ганхуяг дэргэдээ 10 орчим хүнтэй Гүйцэтгэх захирлын ажлын алба байгуулсан. Ийм мундаг бүтэцтэй атал тэмдэгтийн хураамжид 266 сая төгрөг төлсбн нь ажил нь ямархуу байгааг харуулж байна.
“Эрдэнэс тавантолгой” компани нэгдүгээр сард шүүхийн тэмдэгтийн хураамжинд 256 сая төгрөг төлжээ
