ШААРДЛАГА ХАНГААГҮЙ ОРЧИНД ҮЙЛ АЖИЛЛАГАА ЯВУУЛЖ БАЙСАН ТАРАГНЫ ЦЕХИЙН ҮЙЛ АЖИЛЛАГААГ ЗОГСООЛОО

Иргэнээс ирүүлсэн гомдол мэдээллийн дагуу БГД-ийн 12-р хороонд 21в байрны өргөтгөлд байрлаж үйл ажиллагаа явуулдаг тарагны үйлдвэрт хяналт шалгалт хийлээ. Шалгалтаар ажлын байрны хана хөгцөрсөн, үйлдвэрлэлд хэрэглэгдэж буй тоног төхөөрөмжүүд шаардлага хангаагүй /хүнсийг зориулалтын бус хуванцар саванд  савласан/, ажиллагсадыг ажлын хувцсаар бүрэн хангаагүй, тоног төхөөрөмжүүдийн аюулгүй ажиллагааг ханган ажиллаагүй, үйлдвэрийн байр хэт бохир, технологийн урсгал алдагдсан зэрэг зөрчил илэрсэн тул Зөрчлийн тухай хуулийн тусгай ангийн 6.14 дугаар зүйлийн 2 дэх хэсэгт, 6.15 дугаар зүйлийн 5,1 дэх хэсгийг үндэслэн зөрчлийн хэрэг нээж, Баянгол Дүүргийн Прокурорын газрын 02 тоот тогтоолоор үйл ажиллагааг түр хугацаагаар зогсоолоо. Хяналт шалгалт үргэлжилж байна.