Дорнод аймгийн хилчид 5661 толгой малыг хил дээр тогтоож, 3,6 тэрбумын хохирлоос урьдчилан сэргийлжээ

Өнгөрсөн өдрүүдэд нутгийн ихэнх хэсгээр цаг агаар эрс муудаж, цасан болон шороон шуурга шуурч, байгалийн онц аюултай үзэгдэл болж өнгөрлөө. Байгалийн энэ аюулт үзэгдлийн үеэр Дорнод аймаг дахь хилийн 0132 дугаар ангийн хилчид цасан шуурганы улмаас улсын хилд тулсан 18 удаагийн 5661 толгой малыг тогтоож, ард иргэдэд учирч болох 3,6 тэрбум төгрөгийн хохирлоос урьдчилан сэргийлж, эздэд нь хүлээлгэн өгсөн байна.