“Аврагч анги”-ийн дарга П.Бүрэнтөгсийг цахилгааны слесарь гэж “ТЭЦ-4” 10 сая төгрөгөөр шагнажээ

Улсын аварга цол хүртсэн  П.Бүрэнтөгс нь  мөн оны 9-р сард ОБЕГ-ын харьяа “Аврагч” биеийн тамир-техник спортын хорооны даргаар томилогдсон. Цагаан сараар хатуу хөл хорионы үед төрийн албан хаагч П.Бүрэнтөгс эргүүлд гарч байлаа. Азтай аварга П.Бүрэнтөгс ОБЕГ-ын харъяа хорооны даргаар томилогдсоноос хойш сар гаруйн дараа буюу 2020 оны 10 дугаар сарын 22-нд “Дулааны 4-р цахилгаан станц” ТӨХК-ийн гүйцэтгэх захирлын Б/430 тоот тушаалаар 10 сая төгрөгөөр шагнуулж байжээ. Аварга П.Бүрэнтөгс нь арслан цолтой байхдаа албан ёсоор Алдар спорт хороо Зэвсэгт хүчний энхийг сахиулах 350-р анги, Гацуурт групп, “Дулааны дөрөвдүгээр цахилгаан станц” ТӨХК-ийн бөх гэдэг уртаас урт “албан тушаалтай”, олон газрын нэрийн өмнөөс барилддаг байсан.  Тэдгээрээс хамгийн даруухан албан тушаал нь цахилгааны слесарь аж.  Харин Онцгой байдлын ерөнхий газрынхан Цахилгааны слесариар спорт хороогоо удирдуулж байгаагаа мэддэг болов уу …