Д.Бат-Оюун: Хэцүү юм аа, шантрах даалгавартай таараагүй ч шоугаа ингээд орхиж байна

Ард санхүүгийн нэгдлийн захирал Ч.Ганхуягийн гүйцэтгэх захирал шалгаруулах шоуны өнөөдрийн дугаараас олны хайртай, хамгийн эерэг оролцогч Д.Бат-Оюун хасагдлаа. Тэрээр “Хэцүү юм аа, яанадаа гэж шантрах даалгавартай таараагүй ч шоугаа ингээд орхиж байна. Угаасаа хүрэх зорилго, гоё баг, чин сэтгэл байхад бол ямар ч даалгаврын ард гарч чадна гэдэгтээ үргэлж итгэлтэй байсан. Борлуулалтынхаа ур чадварт тийм ч их итгэлтэй байгаагүй ч миний дотор тоосонд дарагдсан байсан тэр чадварыг маань яалтачгүй өнгөлж өгсөнд маш их баяртай байна. Нэвтрүүлгийнхээ туршид би өөрийгөө хэзээ ч үл шавхагдах хамгийн том орд гэдгээ өөртөө баталж чадсаан. Энэ боломжийг олгосон бүх арын алба, Ардынхан болон бидний худалдан авагч байсан хүмүүстээ баярлалаа. Бат-Оюун нь улам хичээгээд СЕО болоод ажлын тайлангаа та бүхэндээ танилцуулах цаг удахгүй байгаасай тээ” гэж фэйсбүүктэ бичжээ. Тэрчлэн Д.Бат-Оюуныг ажилд авах хүсэлтээ олон байгууллага, хувь хүн гаргаж байна.