Хошин шогийн жүжигчин Н.Онон сүүлийн үед жигтэйхэн их улстөржих болсон билээ. Тэр тусмаа МАН-ын дарга У.Хүрэлсүхийг өмөөрөөд амиа өгөхөөс буцахгүй. Хоёр жилийн өмнө 60 тэрбум, ЖДҮ гэж хоёр хуваагдан “алалцаж” байх үед жүжигчин Н.Онон У.Хүрэлсүхийг өмөөрч, Д.Хаянхирвааг харахаас дургүй хүрэх юм гэж улстөржин суусан билээ. Н.Онон, У.Хүрэлсүх хоёр хожуухан Ц.Нямдорж гуайн хэлсэн “Хуулийн ТМС”-ийг төгсөх үеэрээ нэг ангид сурч дотноссон. Түүнээс хойш хагацашгүй анд болжээ. Өнгөрсөн 2020 оны сонгуулиар жүжигчин Н.Онон эцэг өвгөдийнхөө нутаг Хэнтийн Дадал суманд У.Хүрэлсүх болон МАН-ын төлөө ажиллаж, хүрээний жүжигчин хөдөөний хээгүй эр болохоо шахсан. Энэ үеэр нутгийнхан нь “У.Хүрэлсүх дарга сонгуульд ялбал жүжигчин Н.Ононг Соёлын сайд болгох юм гэнэ лээ” гэсэн яриа хүртэл гарч байсан гэдэг. Юутай ч жүжигчин Н.Онон Соёлын сайд болоогүй ч улс төрөөс унац ашиг гаргаад байдаг. “Эрдэнэс Тавантолгой” ХК-ийн Олон нийт, нийгмийн хариуцлагын бодлогын дэд зөвлөлийн гишүүнээр жүжигчин Н.Онон, Олимпийн аварга Э.Бадар-Уугантай хамт сонгогдсон. Энэ ажлаас болдог уу, хошин шогийн гавьяат жүжигчин Н.Онон Улаанбаатар хотыг утаанаас сэргийлнэ, иргэдийг угаараас хамгаална гэж жилдээ харьяа компаниас нь 200 сая давуулж авдаг гэж шуугиж байлаа. Энэ талаар жүжигчин Н.Онон олж хараагүй юм уу, ямар нэг тайлбар хийгээгүй. Юутай ч Ерөнхий сайд У.Хүрэлсүхийг өмөөрч, гуравхан сарын өмнө МУГЖ цолоо гардан авч, баярласандаа бэлхүүсний бүжиг хийснээ ч мартан төрийн тэргүүнээ доромжилж сууна.
Discussion about this post