Загвар өмсөгч, мисс О.Ариунзул дуучин Б.Амархүүг хоригдсоноос хойш хэл амнаас зугтах мэт Англид амьдарч байгаа. Модель хүн зүгээр суухгүй, фото модель чиглэлээр ажллаж байгаа. Англиас гараагаа эхэлсэн загвар өмсөгч О.Ариунзул одоо Германы Берлинд зураг авахуулж байна. Энэ зураг нь Италийн “PAP Magazine” сэтгүүл дээр нийтлэгджээ. Нөхрөө хоригдсоноос хойш цахим сүлжээнд идэвхтэй байхаа больсон О.Ариунзул “Ажлаа хийгээд л явж байгаа . Тэгээд л тайван даа” гэж монголчуудад мэнд дуулгав.
Дуучин Б.Амархүү, О.Ариунзул хоёр хамтдаа кинонд тоглосноор анх танилцаж, хамтдаа дуу бичүүлсэн сайхан хосууд. О.Ариунзул 2016 оны 7 сарын 1-нд Б.Амархүүгийн төрсөн өдрөөр хүүгээ төрүүлж, Борхүүгийн ганц хүүг хоёр болгосон ээж. Хамтдаа “Орифлейм”, “Жигүүр гранд” зэрэг томоохон компанийн зар сурталчилгаанд тоглож, зундаа Америк, Англи зэрэг европын орноор зугаалсан жаргалтай хос байж олны нүдийг хужирлаж явлаа. Харин 2018 оноос Б.Амархүүд асуудал үүсэж, хөтлөгч Ц.Чойжилсүрэнтэй “Хүүхдийн 100”-д байрлах “Солонго” рестораны өмнө зодолдсон хэрэг гарсан. Тус ресторан нь дуучин МНарагийн ресторан бөгөөд нээлтийн арга хэмжээний үеэр тус явдал болсон аж. Дуучин Б.Амархүү өөрийн менежер залуутай нийлэн хөтлөгч Ц.Чойжилсүрэнг зодсон гэх бөгөөд тэдэнд холбогдох хэрэг шүүхээр орсон. Дараа жил нь 2019 оны 9 дүгээр сард хар тамхи хэрэглэсэн хэргээр гэрийнхээ гаднаас, машинаасаа баривчлагдсан. Энэ хэрэг шүүхээр шийдвэрлэгдэж, Б.Амархүү 2 жил хоригдох ял сонссон. Загвар өмсөгч О.Ариунзул Англи явснаас Монголын с айхан хос хоёр жил тусдаа амьдрах аргагүй шаардлага тулгарчихаад байгаа.
WWW.TAIZ.MN
Discussion about this post