“Сайхан бүсгүйн 20 шинжээс надад 19 шинж нь бий” гэж жүжигчин Г.Отгонцэцэг онгирч байсан нь аргагүй. Жүжигчин Г.Отгонцэцэг СУИС-д сурч байхдаа Хатан-Эрдэнэ холбооноос зохион байгуулдаг “Монголын сайхан бүсгүй тэмцээн 2003” тэмцээнд оролцож байсан. Ари романсыг дуурийн дуучнаас дутахгүй дуулсан Г.Отгонцэцэг Авъяаслаг бүсгүй номинацид тэргүүлсэн ч мисс Д.Уянгалянхуагийн ард орж, Мөнгөн эрдэнийн титэм, тууз хүртсэн. Драмын театрын өндөр босгыг давж, “Парисын дарь эхийн сүм” жүжгийн гол дүр Эсмеральдагийн дүрд тоглосон. Мөн Чингис хааны одонт Г.Ариунбаатартай хамт “Гоолингоо” дуулалт жүжигт тоглож, “Орхидос” киноны хойд эхийн дүрээрээ “Улаанбаатар” кино наадмын шилдэг эмэгтэй гол дүрийн шагналыг гардан авч байсан авъяаслаг жүжигчин. УДЭТ-т байхдаа жүжигчин Б.Эрдэнэцэцэгтэй хамтран Ардын дуу дуулж, ангийнхан дотроосоо урлагт тод мөртэй нэгэн.
Г.Отгонцэцэгийн ангийнхан нь Хөтлөгч Г.Ууганбаяр эхнэртэйгээ, “Акабелла” хамтлагийнхан, модель Д.Пүрэвсүрэн зэрэг олны танил нөхөд бий. СУИС-ийн цорын ганцхан төгсөлт болох Хөгжимт жүжгийн ангийг төгсөөд, ангиараа “Хувьсал” прадакшнд ажиллаж, Г.Отгонцэцэг, Д,Пүрэвсүрэн, Б.Одбаяр нар “Чамайгаа алдмааргүй байна”, “Зургаан сар минь баяртай” зэрэг жүжгийн гол дүрүүдэд тоглож байлаа. Хэвлэлд хамгийн нээлттэй юм шиг ярилцлага өгдөг мөртлөө Г.Отгонцэцэгийн хувийн амьдрал хамгийн хаалттай. Охидын эрлэг, халхын атаман ахимаг эртэй холбогдсоноос өөрөөр дотно харилцаатай гэх хүн олонд мэдэгдээгүй. Хүүгийнх нь эцгийг ч хэрэгт дуртай хүмүүс мэдэхгүй, ангийнх нь анд болох Б.Одбаярын хүүхэд гэлцдэг ч ачир дээрээ нотлогдсон нь үгүй. Америкт түрүүлж очиж суурьшсан Д.Одбаяр их сургуулийн ангийн охиноо Америкийн Миссуригийн их сургуульд мэргэжил дээшлүүлэн суралцахаар очихоор уулзаж, хамт зураг хөргөө авахуулалгүй яах вэ. Харин амьдралыг нь сайн мэдэх хүмүүс Д.Одбаяр, Г.Отгонцэцэг хоёр жирийн найзууд гэж батлах юм билээ. Корона вирусын халдварын үеэр хил хаалттай ч амжиж ирсэн Г.Отгонцэцэг одоогоор гэртээ. Хөл хорио цуцлагдаж, урлаг соёлынхон ажилдаа орохоор Америкт их сургуульд сурч боловсролын зэргээ ахиулсан Г.Отгонцэцэг монголчуудад юу сурснаа үзүүлээд өгнө биз ээ. WWW.TAIZ.MN
Discussion about this post