МОНГОЛ УЛСЫН ЕРӨНХИЙЛӨГЧ УХНААГИЙН ХҮРЭЛСҮХ ХАН-УУЛ ДҮҮРГИЙН ИРГЭДТЭЙ УУЛЗАЛТ ЗОХИОН БАЙГУУЛЛАА /2026.05.04/ Уулзалтын үеэр Ерөнхийлөгч өнгөрсөн хугацаанд хэрэгжүүлсэн ажил, “Хүнсний хувьсгал”, “Цагаан алт”, “Тэрбум мод”, “Эрүүл монгол хүн”, “Илгээлт-2100” зэрэг үндэсний хөдөлгөөн, хөтөлбөрийн хэрэгжилт, гадаад харилцааны сэргэлт, нийгэм, эдийн засгийн нөхцөл байдлын талаар мэдээлэл өглөө.
Дүүргийн Засаг дарга Б.Цэрэн 268 тэрбум төгрөгийн хөрөнгө оруулалтаар нийт 197 төсөл, арга хэмжээг хэрэгжүүлж, дэд бүтэц болон нийгмийн үйлчилгээний хүртээмжийг нэмэгдүүлж буйг танилцуулав. Мөн “Тэрбум мод” үндэсний хөдөлгөөний хүрээнд улсын хэмжээнд 116 сая мод тарьж, Хан-Уул дүүрэгт 740 мянган мод тарьж, ногоон байгууламжийг нэмэгдүүлсэн талаар дурдав.
Түүнчлэн “Илгээлт-2100” тэтгэлэгт хөтөлбөрийн хүрээнд 21 улсад 1055 оюутан суралцаж байгаагаас 40 гаруй нь тус дүүргийн суралцагчид байна.
Уулзалтын төгсгөлд Ерөнхийлөгч иргэдийг эв нэгдэлтэй байж, хууль ёсыг дээдлэн, улс орны хөгжил дэвшлийн төлөө хамтран ажиллахыг уриаллаа.
Discussion about this post