Женкогийн дараачийн улс төр нь Байгаль орчны сайдаар саяхан томилогдсон Батын Батбаатарыг Ерөнхийлөгчийн сонгуульд нэр дэвшүүлэх тохироо

Женкогийн дараачийн улс төр нь Байгаль орчны сайдаар саяхан томилогдсон Батын Батбаатарыг Ерөнхийлөгчийн сонгуульд нэр дэвшүүлэх тохироо юм

Женко ИЗНН-ын дарга Ц.Ганхуягийг ОХУ-д Консулаар томилуулан Батын Батбаатарт худалдан авч өгч УИХ-ын гишүүн болгосон нь түүний зальжин төлөвлөгөөнийх нэг байсан гэдгийг улс төрийн хүрээнийх нь шивэр авир гэдэг нь хоосонгүй бололтой. Эзнийхээ хүслийг биелүүлэхээр дур эзнээ голохгүй дунд чөмөг сүүжээ голдоггүйн үлгэрээр Улс төрийн намууд бужигнасан энэ үед чоно борооноор гэгчээр суусан газраасаа шороо атгахаар айлган ичээн ажилтай танилцах нэрээр аймгуудаар аялж яваа БОУАӨЯ-ны сайд салбарынхаа ажлыг хийж яваа эсэх нь эргэлзээтэй. Архи, хүүхэн нь хэрээс хэтэрсэн сайдын Ерөнхийлөгчийн сонгуульд нэр дэвших олонд танигдах балгийг орон нутгийн халагдах мэдэгдлээ авсан цаг уурын хэдэн ажилчид, байгаль хамгаалагчид л үүрч байгаа бололтой.

Б.Батбаатар сайдын хийсэн томилгоонд анхаарах цаг нь болжээ.

Байгаль орчны яаманд төрсөн дүү, амраг садангаа авчирч тэднээр төрийн албыг Ардчилсан намынхнаас цэвэрлэх халаа сэлгээ хийлгэж, улмаар жирийн төрийн албан хаагчид уруу орж цаашлаад тэдний оронд гэмт хэрэгт холбогдож шүүхээр орж, хаягласан газар бүртээ муу нэр луу данстай орлон гүйцэтгэгчдээр дүүргэж байгааг зогсоох цаг нь  болжээ, ЕРӨНХИЙ САЙДАА.

 Тус яаманд бугшсан авлигачид түшмэдүүдтэй нийлэн төсөл хөтөлбөрийн мөнгийг хуу хаман төрийн албыг мөнгөөр дамлан мөнгө хийхээр улааран зүтгэх түүний хууль бус үйлдэл хэрээс хэтэрснийг салбарынхан ам булаалдан ярьж байна. Харин Засгийн газраас Б.Батбаатарын энэ үйлдлийг зогсоохоор  шаардлага хангасан ТНБД-ыг томилсон нь түүнийг засгаас гарна гэж дөвчигнөхөд хүргэж, энэ талаар тэрээр Нарагаараа үг дайлган ГОМОРХОВ.

ИЗНН-ын дэд дарга С.Батбаатар намын дарга Батын Батбаатартаа хандаж, үг дайжээ

Тэрбээр “Төрийн толгойг чи наалдсан хүүхнээрээ мэдүүлж байгаад харамсаж байна. Төрсөн биеийн чинь толгойг мэдэх тухайд надад пад алга. Төр түмэн, эхнэр, хүүхдээ хүндэл.

Төрийн яамыг цомхотгол хэмээж түмэн олныг халаад, АН-ын гологдогсдоор бүрдүүлж байгаад харамсаж байна. Төрд залгамж бодлого байдгийг сайн бод. Энэ зэрэгт хүргэсэн ИЗНН-ын гишүүдээс санаа зовох хэрэгтэй.

АН-аас гараад, дэвших газаргүй явахад чинь журмын нөхдөөсөө зөрөн байж, тойрог өгүүлж Дэд дарга болгож байсан нь чамайг УИХ-ын гишүүн байсан туршлагатай гэж итгэснийх билээ. Намын гишүүдийнхээ итгэлийг хугалж ИЗНН-ын ГЕНСЕК байсан би өөрөө ухарч, андыгаа өөрөөсөө илүү хэмээн итгэж ИЗНН-ын дарга болгохдоо Төрд байгаа бохир бүхэнтэй тэмцэж АРД ТҮМНЭЭ БОДДОГ ТӨРИЙГ бий болгоно гэж тохирсноос биш, дүрмийн дагуу явдаг шударга цэвэр намыг АХ ДҮҮ, АВГАЙ ХҮҮХДЭЭРЭЭ удирдах зөвлөлийг бүрдүүлж, Эрх мэдэлтэнд өвдөг сөгдөн гүйнэ чинээ санаагүй болохоор харамсаад эхэллээ.

Түмэн олноо боддоггүй, төрсөн биеэ боддог дарга ихэдсэн болохоос багадаагүй шүү, андаа. Чи нэгийг бодож хоёрыг тунгааж авах эсэх нь чиний асуудал. Энэ бол эхлэл” гэжээ.