АНУ-ын Ерөнхийлөгч Дональд Трамп “New York Post” сонинд ярилцлага өгөхдөө цагаачлал, хууль бус орогнолын эсрэг өөрийнх нь боловсруулсан хуулийн талаар ярьжээ.
Сэтгүүлч Трампаас “Ханхүү Харри намтар номдоо хар тамхи хэрэглэж байснаа хүлээн зөвшөөрсөн нь АНУ-д оршин суугаа байдал, визэнд нөлөөлөх үү? Түүнийг АНУ-аас албадан гаргах уу” гэж асуухад “Би түүнийг хөөмөөргүй байна. Харриг тайван орхино. Тэр угаасаа аймшигтай авгайтай зовж яваа хүн, хөөрхий зайлуул. Түүний эхнэр үнэхээр аймаар” гэжээ.
Ноён Трамп, хатагтай Меган Маркл хоёрын зөрчил 2016 онд эхэлсэн. Меган олон нийтийн сүлжээгээр Трампыг “Эмэгтэй хүнийг үзэн ядагч”, “Нийгмийг хаглалан бутаргагч” гэсэн билээ. Хариуд нь Трамп түүнийг бүдүүлэг эмэгтэй гээд, түүнд их дургүй гэдгээ олон удаа ил тод илэрхийлсэн, одоо ч илэрхийлсээр байгаа энэ билээ.
Discussion about this post